मुंबईतील लालबाग परिसरातील उड्डाणपुलावर शनिवारी रात्री भीषण अपघात झाला. यामध्ये भरधाव जाणाऱ्या ट्रक (एमएच ०४ एचडी २२२८) पुलावरच पलटी झाला. त्यात ट्रक चालकासह तीन जण गंभीर जखमी झाल्याची माहिती समोर येत आहे.
मिळालेल्या माहितीनुसार, अपघातातील जखमींना तात्काळ जवळच्या जेजे रुग्णालयात दाखल करण्यात आले असून त्यांच्यावर उपचार सुरू आहेत. या अपघातामुळे उड्डाणपुलावर काही काळ वाहतूक ठप्प झाली होती. अपघाताची माहिती मिळताच पोलिसांनी तात्काळ घटनास्थळी धाव घेतली.
(हेही वाचा – वर्षानुवर्षे चलनी नोटांवर दिसणारा गांधींचा ‘हा’ फोटो नेमका आला तरी कुठून?)
क्रेनच्या मदतीने पोलिसांनी ट्रक बाजूला घेऊन वाहतूक पुन्हा सुरळीत केली. ट्रकचा अपघात नेमका कशामुळे झाला, याचा तपास स्थानिक पोलीस करत आहेत.
Join Our WhatsApp Community