आण्विक, जैविक, रासायनिक युद्धासाठी सक्षम ‘मोरमुगाओ’ युद्धनौका नौदलाला सुपूर्द 

भारतीय नौदलाला गुरुवार, २४ नोव्हेंबर रोजी मोरमुगाओ (Y 12705) हे भारतीय नौदलाला सुपूर्द करण्यात आले. ही युद्धनौका प्रकल्प 15B अंतर्गत तयार केलेली दुसरी स्टेल्थ गाइडेड क्षेपणास्त्र विनाशिका आहे. माझगाव डॉक शिपबिल्डर्स लिमिटेड (MDL) ने या युद्धनौकेची निर्मिती केली आहे. विशेष म्हणजे ही युद्धनौका आण्विक, जैविक आणि रासायनिक युद्धामध्येही स्वतःचा बचाव करू शकते. या प्रकल्पातील पहिले जहाज INS विशाखापट्टणम गेल्या वर्षी भारतीय नौदलात सामील झाले होते.

Breaking News: The @indiannavy received the second of the Visakhapatnam Class Guided Missile Destroyer, (to be commissioned as) #Mormugao (D 67) earlier today, 24 November 2022 at the @MazagonDockLtd, Mumbai

The vessel is now ready for commission into the Indian Navy pic.twitter.com/JtBam3zkMI

— Delhi Defence Review (@delhidefence) November 24, 2022

स्वदेशी बनावटीची युद्धनौका

28 जानेवारी 2011 रोजी प्रकल्प 15B च्या अंतर्गत चार युद्धनौकांची निर्मिती करण्याचा करार झाला होता. या प्रकल्पातील पहिली युद्धनौका INS विशाखापट्टणम गेल्या वर्षी 21 नोव्हेंबर रोजी भारतीय नौदलात दाखल झाली. स्वदेशी बनावटीची ही युद्धनौका गेल्या वर्षी १९ डिसेंबरला चाचणीसाठी समुद्रात ठेवण्यात आली होती. या युद्धनौकेमुळे भारतीय नौदलाची ताकद अनेक पटींनी वाढणार आहे. 163 मीटर लांब आणि 730 टन वजनाच्या या युद्धनौकेत क्षेपणास्त्रांना चकमा देण्याची क्षमता आहे. ६५ टक्के स्वदेशी तंत्रज्ञानाने बांधलेली ही युद्धनौका स्टेल्थ तंत्रज्ञानाने तयार करण्यात आली आहे. हे जहाज आण्विक, जैविक आणि रासायनिक युद्धाच्या वेळी बचाव करण्यासही सक्षम आहे. या युद्धनौकेवर 50 अधिकाऱ्यांसह 250 नौदल कर्मचारी तैनात असतील. या युद्धनौकेला चार शक्तिशाली गॅस टर्बाइन इंजिन आहेत. ताशी 56 किलोमीटर (30 नॉटिकल मैल) वेगाने धावणारी ही युद्धनौका समुद्रात 75 हजार चौरस किलोमीटर क्षेत्र व्यापते. सागरी क्षेत्राचे निरीक्षण करू शकतो.

(हेही वाचा उद्धवा अजब तुझी सेना! आजोबांनी केला होता परप्रांतीयांना विरोध, नातवाचे मात्र लोटांगण)

ब्रह्मोस, बराक-8 क्षेपणास्त्रांनी सज्ज

त्यावर ब्रह्मोस, बराक-8 अशी आठ क्षेपणास्त्रे बसवण्यात येणार आहेत. इस्रायलचे मल्टी-फंक्शन सव्‍‌र्हेलन्स थ्रेट अलर्ट रडार ‘MF-STAR’ देशातील सर्वात प्रगत प्रगत मार्गदर्शित क्षेपणास्त्र यात स्थापित केले आहे. हे अनेक किलोमीटर दूरवरून हवेतील लक्ष्य ओळखण्यास सक्षम असेल, जेणेकरून अचूक लक्ष्य करता येईल. हे उडत्या विमानातून 70 किमी आणि जमिनीवर किंवा समुद्रातील लक्ष्यांवर 300 किमी अंतरावरील लक्ष्यांवर मारा करण्यास सक्षम आहे. INS मोरमुगाओ 127 mm गनने सुसज्ज आहे, त्यात AK-630 क्षेपणास्त्र विरोधी तोफा देखील आहे. मोरमुगाओवर दोन RBEU-6000 पाणबुडीविरोधी रॉकेट लाँचर्सही बसवले आहेत. अत्यंत खराब हवामानातही नौदलाचे हेलिकॉप्टर त्यावर उतरू शकतील.