भाजप आमदार जयकुमार गोरे यांच्या गाडीला भीषण अपघात झाला आहे. पुणे- पंढरपूर रस्त्यावरील मलठण येथील स्मशानभूमीजवळ त्यांच्या गाडीचा अपघात झाला. चालकाचे गाडीवरील नियंत्रण सुटल्याने त्यांची गाडी 50 फूट खोल दरीत कोसळली.
उपचारासाठी बारामतीला तत्काळ हलवले
या दुर्घटनेत जयकुमार गोरे यांच्यासह चौघे जखमी झाले आहेत. गोरे यांची प्रकृती सध्या स्थिर आहे. तर इतरांना गंभीर दुखापत झाली आहे. गोरे यांना पुण्याच्या रुग्णालयात दाखल करण्यात आले आहे. तर इतर जखमी झालेल्या सर्वांना बारामतीला हलवण्यात आले आहे. पुण्याहून गावी दहिवडीकडे जात असताना हा अपघात झाला. कारवरील चालकाचे नियंत्रण सुटल्याने पहाटे 3 वाजून 30 वाजण्याच्या सुमारास हा अपघात झाला आहे.
( हेही वाचा: CBI ची मोठी कारवाई; ICICI बँकेच्या माजी CEO चंदा कोचर यांना अटक )
अंगरक्षक, गाडीचा चालक गंभीर जखमी
आमदार जयकुमार गोरे हे या अपघातात जखमी झाले असून, त्यांना पुणे येथील रुबी या खासगी रुग्णालयात दाखल करण्यात आले आहे. गाडीमधील त्यांचा अंगरक्षक, गाडीचा चालक गंभीर जखमी असून, त्याला देखील खासगी रुग्णालयात दाखल करण्यात आले आहे. पुण्याहून गावी दहिवडीकडे जात असताना, हा अपघात झाला आहे.
Join Our WhatsApp Community