समृद्धी महामार्गावर भीषण अपघात; दोन जण जागीच ठार,दोन गंभीर जखमी

मागच्या दोन दिवसांपूर्वी समृद्धी महामार्गावर मोठा अपघात झाल्याची माहिती समोर आली होती. ही घटना ताजी असतानाच आता पुन्हा एकदा समृद्धी महामार्गावर भीषण अपघात झाला आहे. या अपघातात दोन जण जागीच ठार झाले आहेत. यामध्ये एक महिला आणि लहान मुलीचा समावेश आहे. वाशिम जिल्ह्यातील कारंजा परिसरात हा अपघात झाला आहे.

मिळालेल्या माहितीनुसार, वाशिम जिल्ह्यातील कारंजा परिसरातील समृद्धी महामार्गावर भीषण अपघात झाला आहे. यामध्ये दोन जण जागीच ठार तर दोन जण गंभीर जखमी झाल्याची माहिती समोर आली आहे. मृतकांमध्ये एक महिला आणि एका लहान मुलीचा समावेश आहे. नागपुरच्या दिशेने जाणारी कार पलटी होऊन हा अपघात झाल्याची प्राथमिक माहिती समोर आली आहे.

( हेही वाचा: Rashmi Shukla: फोन टॅपिंग प्रकरण; तत्कालीन पोलीस उपायुक्तांचा धक्कादायक खुलासा )

24 तासांत ही दुसरी घटना

समृद्धी महामार्गावर नागपूरच्या दिशेने सुसाट जाणा-या कारचे टायर फुटले, त्यामुळे गाडी टार वेळा पलटी झाली. अखेर विरुद्ध दिशेच्या कडेला जाऊन धडकली. ही घटना सोमवारी लासूर स्टेशन जवळ घडली. सुदैवाने या अपघातात कारमधील सर्व प्रवासी सुरक्षित आहेत.