मुंबईवर पुन्हा एकदा अतिरेकी हल्ल्याची धमकी; यावेळी ट्वीटर हॅंडलचा वापर

मुंबईवर अतिरेकी हल्ला होणार, अशा धमकीचे फोन, मेल इतके येत असतात की आता ही सामान्य बाब झाली आहे. मुंबईवर पुन्हा एकदा अतिरेकी हल्ला करण्याची धमकी मिळाली आहे. परंतु धमकी देणा-याने यावेळी ट्वीटर हॅंण्डलचा वापर केला आहे. ज्यात मुंबईला 26/11 सारख्या हल्ल्यासारखा दहशतवादी हल्ला करण्याची धमकी देण्यात आली.

मुंबई पोलिसांच्या ट्वीटर टीमला शुक्रवारी असे एक ट्वीट दिसले, आणि रात्रीच सर्व वरिष्ठ पोलिसांनी ही माहिती देण्यात आली. मिळालेल्या माहितीनुसार, 3 फेब्रुवारीला @indianslumdog नावाच्या ट्वीटर हॅंण्डलचा वापर करत एका व्यक्तीने ट्वीट केले. ज्यात चित्रपट दिग्दर्शक राम गोपाल वर्मा याच्या The Attacks of 26/11 चित्रपटाच्या पोस्टरचा वापर करण्यात आला. यात लिहिले होते की, चित्रपटाचा दुसरा भाग कधी प्रदर्शित होईल?

( हेही वाचा: अग्निवीरांसाठी मोठी बातमी: भारतीय सैन्यदलाकडून भरती प्रक्रियेत बदल )

पोलिसांकडून तपास सुरु

सुरुवातीला हे ट्वीट कोणलाही आक्षेपार्ह किंवा संशयास्पद जाणवले नाही. पण या ट्वीटला कोट करुन @ghantekaking नावाच्या ट्वीटर हॅण्डलवरुन जे ट्वीट करण्यात आले, तेव्हा मुंबई पोलीस सतर्क झाले. त्यानंतर मुंबई पोलिसांच्या क्राईम ब्रांचने तपास सुरु करुन शोध घेण्यास सुरुवात केली आहे.