भिवंडीत आगीचे सत्र सुरुच असून, पुन्हा अग्नितांडाव पाहायला मिळाला. शहरातील देवजीनगर परिसरात मध्यरात्रीच्या सुमारास ए.डी.टेक्सटाईल या यंत्रमाग कारखान्याला अचानक भीषण आग लागल्याची घटना घडली. यामुळे परिसरात एकच खळबळ उडाली. या कारखान्यात मोठ्या प्रमाणात कच्चे कापड आणि यंत्रमाग होते. आग एवढी भीषण होती की आगीच्या भक्ष्यस्थानी संपूर्ण कारखाना जळून खाक झाला आहे.
तीन तासांच्या प्रयत्नानंतर आगीवर नियंत्रण
ए.डी. टेक्सटाईल यंत्रमाग कारखाना हा दाटीवाटीच्या परिसरात असल्याने नगारिकांमध्ये भीतीचे वातावरण निर्माण झाले होते. आग इतकी भीषण होती की, आगीचे लोळ वरवर्यंत दिसत होते. त्यामुळे परिसरात आग पसरते की काय? अशी परिस्थिती निर्माण झाली होती. त्यामुळे नागरिकांमध्ये भीती निर्माण झाली होती. भिवंडी अग्निशमन दलाच्या चार गाड्या घटनास्थळी दाखल होऊन या आगीवर नियंत्रण मिळवण्यासाठी शर्थीचे प्रयत्न सुरु करण्यात आले होते. परंतू, आग इतकी भीषण होती की आगीवर नियंत्रण मिळवणे सहजासहजी शक्य नव्हते. तब्बल तीन तासांच्या अथक प्रयत्नांनंतर या आगीवर नियंत्रण मिळवण्यात यश आले आहे.
( हेही वाचा: काव्यातून अनेकदा दाखवला काँग्रेसला आरसा; पंतप्रधान नरेंद्र मोदींच्या भाषणांचा अनोखा अंदाज )
Join Our WhatsApp Community