एमपीएससी आणि बीएड सीईटी परीक्षा एकाच दिवशी आली आहे. त्यामुळे विद्यार्थ्यांमध्ये एकच संभ्रमाचे वातावरण निर्माण झाले आहे. दरम्यान संभ्रमात असलेल्यांना विद्यार्थ्यांना सरकारने पर्याय दिला आहे. दोन्ही परीक्षा देणाऱ्यांना तारखेबाबत पर्याय देण्यात येणार असल्याचे उच्च आणि तंत्रशिक्षण मंत्री चंद्रकांत पाटील यांनी सांगितले आहे. २१ ऑगस्ट रोजी एकाच तारखेला एमपीएससी आणि बीएड परीक्षा आल्याने विद्यार्थी नाराज झाले. मात्र दोन्ही परीक्षा एकत्र देणाऱ्या विद्यार्थ्यांच्या समोर मोठी अडचण निर्माण झाल्याने त्यावर सरकारने तोडगा काढला आहे.
(हेही वाचा – हत्या की आत्महत्या? जम्मूच्या सिदरा परिसरात एकाच कुटुंबातील 6 जणांचा संशयास्पद मृत्यू)
सरकार कडून पर्याय देण्यात येणार
महाराष्ट्र राज्य लोकसेवा आयोगाची परीक्षा आणि बीए़ड सीईटी परीक्षा २१ ऑगस्ट रोजी एकाच दिवशी आल्याने विद्यार्थ्यांचा मोठा गोंधळ उडाला होता. एमपीएससी अर्थात महाराष्ट्र राज्य लोकसेवा आयोगाची परीक्षा २१ ऑगस्टला आहे. तर बीएड सीईटी परीक्षा २१ ऑगस्टपासून ३ दिवस आहे. यामुळे या दोन्ही परीक्षा एकाच तारखेला आल्या आहेत. एका परीक्षेला मुकावं लागणार की काय, अशी भावना आणि संभ्रम विद्यार्थ्यांच्या मनात होता. पण सरकारने यावर तोडगा काढला आहे. दोन्ही परीक्षा देणाऱ्यांना तारखेबाबत पर्याय देणार असल्याचं उच्च आणि तंत्रशिक्षण मंत्री चंद्रकांत पाटील यांनी म्हटलं आहे.