कसाबला पकडून देणाऱ्या पोलिसांना तब्बल चौदा वर्षांनी वेतनवाढ

२६/११ च्या हल्ल्याच्या चौदा वर्षांनंतर, राज्य सरकारने मंगळवारी गिरगाव चौपाटीवर अजमल कसाब आणि अबू इस्माईल या दोन पाकिस्तानी दहशतवाद्यांना पकडलेल्या १५ पोलिसांसाठी २००८ पासून अतिरिक्त वेतनवाढ देण्याचा निर्णय घेतला. याबाबतचा शासन निर्णय जारी करण्यात आला आहे.

( हेही वाचा : ई-चलन वसुली ठरतंय पोलिसांच्या डोक्याला ताप! )

कसाबला जिवंत पकडले 

कामा हॉस्पिटलजवळ चार वरिष्ठ पोलिस अधिकाऱ्यांची हत्या केल्यानंतर दहापैकी दोन दहशतवादी कसाब आणि इस्माईल गिरगाव चौपाटीच्या दिशेने निघाले होते, तेव्हा डीबी मार्ग पोलिस स्टेशनच्या या १५ पोलिसांच्या पथकाने चौपाटीवर त्यांना अडवले आणि कसाबला जिवंत पकडले. परतीच्या गोळीबारात सहायक उपनिरीक्षक तुकाराम ओंबळे यांचा मृत्यू झाला. १ डिसेंबर २००८ मध्ये झालेल्या मंत्रिमंडळ बैठकीत झालेल्या निर्णयानुसार, २६/११ च्या दहशतवादी हल्ल्यात शहीद झालेल्या पोलीस अधिकारी/कर्मचाऱ्यांच्या कुटुंबीयांना विशेष मदत मंजूर करण्यात आली.

तसेच, २६/११ च्या हल्ल्यात शौर्य दाखविणाऱ्या इतर अधिकारी/कर्मचाऱ्यांना राष्ट्रपती पोलीस शौर्य पदक, पोलीस महासंचालक पदक आणि मेडल ऑफ मेरिट यासारख्या विशेष पारितोषिकांनी आणि रोख पारितोषिकांनी सन्मानित करण्यात आले आहे. परंतु ज्या पोलीस अधिका-यांनी आपले शौर्य दाखवले होते, त्यांच्या सेवाविषयक बाबींबाबत हा निर्णय घेण्यात आला. शिवसेनेचे आमदार सुनील प्रभू यांनी विधानसभेत हा मुद्दा उपस्थित केला होता.

प्रयत्नांचा सन्मान

ज्या १५ पोलिसांचा फायदा होणार आहे त्यात निरीक्षक संजय गोविलकर, शिवाजी कोळे, भास्कर कदम, हेमंत भावधनकर, कॉन्स्टेबल संतोष चेडवणकर, संजय पाटील, सर्जेराव पवार, चंद्रकांत चव्हाण, विजय आव्हाड, अमोल शेळके, विक्रम निकम, सुनील चंद्रकांत कांबळे, सुनील कांबळे यांचा समावेश आहे. यापैकी ५ ते ६ आधीच निवृत्त झाले आहेत. एका पोलीस कर्मचाऱ्याने सांगितले की, “आम्ही आनंदी आहोत की आमच्या प्रयत्नांचा तरी सन्मान होत आहे.”