एकाच वर्षात मध्य रेल्वेची कोट्यावधींची कमाई! जाणून घ्या त्यामागचे कारण

सर्व बोनाफाईड रेल्वे प्रवाशांना आरामदायी प्रवास आणि उत्तम सेवा सुनिश्चित करण्यासाठी, मध्य रेल्वे विनातिकीट आणि अनियमित प्रवासाला आळा घालण्यासाठी उपनगरी, मेल एक्सप्रेस, पॅसेंजर सेवा, विशेष गाड्यांमध्ये तिकीट तपासणी करते. कोविड महामारी असूनही, मध्य रेल्वेच्या अत्यंत कार्यतत्पर तिकीट तपासणी पथकाने २०२१-२२ या आर्थिक वर्षात सर्वकालीन रेकॉर्ड ३५.३६ लाख विनातिकीट आणि अनियमित प्रवासाच्या प्रकरणांतून २१४.१४ कोटी रुपयांचा दंड वसूल केला.

तिकीट तपासणीद्वारे आतापर्यंतचा सर्वाधिक महसूल

मध्य रेल्वेचा २१४.१४ कोटी रुपयांचा विक्रमी महसूल भारतीय रेल्वेच्या इतिहासातील क्षेत्रीय रेल्वेवरील तिकीट तपासणीतून मिळालेला आतापर्यंतचा सर्वाधिक महसूल आहे. भारतीय रेल्वेच्या तुलनेत पूर्वीचा सर्वाधिक महसूल २०१९-२० मध्ये २०७ कोटी रुपये होता. मध्य रेल्वेने विनातिकीट आणि अनियमित प्रवासी शोधण्याच्या प्रकरणांच्या बाबतीतही विक्रम केला आहे. म्हणजे २०२१-२०२२ मध्ये भारतीय रेल्वेमधील कोणत्याही झोनमधील ३५.३६ लाख प्रकरणे सर्वाधिक आहेत. मध्य रेल्वेने आर्थिक वर्षात म्हणजे एप्रिल २०२१ ते मार्च २०२२, तिकीट तपासणीतून रु. २१४.१४ कोटी रु. मिळविले तर एप्रिल २०२० मार्च २०२१ दरम्यानच्या २८.२८ कोटींच्या तुलनेत ६५७.२१% ची वाढ दर्शविते. त्याचप्रमाणे प्रकरणांच्या बाबतीत एप्रिल २०२१ ते मार्च २०२२ दरम्यान ३५.३६ लाख प्रकरणे आढळून आली तर एप्रिल २०२० ते मार्च २०२१ या कालावधीत ६.०७ लाख प्रकरणे आढळून आली होती.

(हेही वाचा – भारतीय हवाई दलाकडून चेतक हेलिकॉप्टरच्या सेवांचा सन्मान)

अनिल कुमार लाहोटी, मध्य रेल्वेचे महाव्यवस्थापक म्हणाले, “मध्य रेल्वेच्या तिकीट तपासणी कामगिरीतील हे टप्पे मर्यादित रेल्वे सेवा असूनही गाठले गेले, कारण लॉकडाऊननंतर उपनगरीय, मेल/एक्स्प्रेस, पॅसेंजर सेवा कोविड प्रतिबंधांसह टप्प्याटप्प्याने सुरू करण्यात आल्या. सखोल तिकीट तपासणी आरामदायी प्रवास सुनिश्चित करते आणि बोनाफाईड प्रवाशांसाठी चांगल्या सुविधा प्रदान करते”.

तिकीटविरहित संकटाला आळा घालण्यासा ‘म.रे’चे प्रयत्न

मध्य रेल्वेच्या तिकीट तपासणी पथकाने तिकीटविरहित संकटाला आळा घालण्यासाठी बरेच प्रयत्न केले, ६ तिकीट तपासणी कर्मचार्यांनी २०२१-२०२२ या आर्थिक वर्षात एक कोटीहून अधिक महसूल गोळा करून उत्कृष्ट कामगिरी केली आहे, ते म्हणजे, या यादीत अव्वल स्थानी असलेले मोहम्मद सॅम्स, चल तिकीट निरीक्षक (टीटीआय), मुंबई विभाग यांनी रु. १५,८४० प्रकरणांमधून १.२५ कोटी; जे. जे. दर्बे, प्रमुख तिकीट परीक्षक, नागपूर विभाग यांनी रु. १३,९५८ प्रकरणांमधून १.०६ कोटी; अभिषेक सिन्हा, चल तिकीट निरीक्षक (टीटीआय) यांनी १३,४९४ प्रकरणांमधून रु. १.०४ कोटी;  धर्मेंद्र कुमार, चल तिकीट निरीक्षक (टीटीआय), मुख्यालय, मुंबई रु. १३,२७३ प्रकरणांमधून १.०४ कोटी; के. के. पटेल, तिकीट परिक्षक, भुसावळ विभाग यांनी १४.०७८ प्रकरणांमधून १.०३ कोटी; सुनील नैनानी, चल तिकीट निरीक्षक (टीटीआय) मुंबई विभाग यांनी १३,७९७ प्रकरणांमधून रु. १.०२ कोटी वसूल याशिवाय १२ तिकीट तपासणी कर्मचारी आहेत जसे भुसावळ विभागातील ६, नागपूर विभागातील १, मुंबई विभागातील १, मुख्यालयातील ४ यांनी आर्थिक वर्ष २०२१-२०२२ मध्ये ७५ लाख रुपयांहून अधिक दंड वसूल केला.