राहुल गांधीच भाजपाला निवडणूक जिंकवून देणार, असं विधान केंद्रीय मंत्री मनसुख मांडविया यांनी केले. नेटवर्क 18 च्या रायझिंग इंडिया या कार्यक्रमात ते बोलत होते.
राहुल गांधींवरील कारवाईबाबत मांडविया यांना विचारण्यात आलं तेव्हा ते म्हणाले. राहुल गांधी आपल्या अपयशासाठी सरकारला दोषी ठरवतात त्यांना वाटतं, सर्वकाही पंतप्रधान मोदी आणि अमित शहा करत आहेत. राहुल गांधी यांना शिक्षा देण्यात सरकारची कोणतीही भूमिका नाही. तपास यंत्रणा आपल्या काम करतात. त्यांना कोर्टाने शिक्षा दिली आहे.
कर्नाटकात भाजपचंच सरकार येणार. राहुल गांधी भाजपाला निवडणूक जिंकवून देणार, असा विश्वास त्यांनी व्यक्त केला आहे.
अचानक हार्ट अटॅकमुळे होणाऱ्या मृत्यू प्रकरणांवरही केंद्रीय आरोग्यमंत्री बोलले. याप्रकरणी आयसीएमआर तपास करत आहे. दोन महिन्यांत याचा रिपोर्ट येईल. त्यानंतर योग्य ती कारवाई केली जाईल, असं ते म्हणाले.
Join Our WhatsApp Community