धनंजय मुंडेंच्या बीडमध्ये बंडखोरांचा समाचार घेतल्यानंतर आता शुक्रवारी २५ ऑगस्टला शरद पवार यांची कोल्हापूर येथे सभा होणार आहे. दसरा चौकात पार पडणाऱ्या या सभेचा एक टिझर राष्ट्रवादी काँग्रेसने (शरद पवार गट) जाहीर केला आहे. ‘आपलं नाणं खणखणीत आहे आणि हे नाणं भल्याभल्यांचा आवाज बंद करणार, कारण कोल्हापूरच्या आखाड्यात शड्डू पवार साहेबच ठोकणार! असा मजकूर त्यात लिहिण्यात आला आहे.
(हेही वाचा – Municipal Union Demand : निवडणूक कामासाठी सेवा निवृत्त आणि इच्छुक कर्मचाऱ्यांना घेण्याची म्युनिसिपल युनियनची मागणी)
राष्ट्रवादी काँग्रेसचे अध्यक्ष शरद पवार हे २५ आणि २६ ऑगस्ट रोजी कोल्हापूर दौऱ्यावर असून, त्यांची दसरा चौकात जाहीर सभा होणार आहे. याबाबतची माहिती शहराध्यक्ष आर के पवार यांनी दिली आहे. २५ तारखेला साताऱ्यातून ते कोल्हापूरमध्ये दुपारी अडीच वाजता येणार आहेत. तेथून ते राजर्षी छत्रपती शाहू महाराज यांच्या समाधी स्थळाला देऊन वंदन करणार आहेत. यानंतर संध्याकाळी पाच वाजता दसरा चौकात त्यांची जाहीर सभा पार पडणार आहे. या सभेच्या अध्यक्षस्थानी श्रीमंत शाहू महाराज छत्रपती असणार आहेत. राष्ट्रवादी काँग्रेस पक्षाचे प्रदेशाध्यक्ष जयंत पाटील, श्रीनिवास पाटील हे देखील उपस्थित राहणार आहेत.
हेही पहा –
Join Our WhatsApp Community