मोरोक्कोमध्ये शुक्रवारी रात्री उशिरा झालेल्या भूकंपात आतापर्यंत 2 हजारांहून अधिक लोकांचा मृत्यू झाला आहे. या भूकंपात 1400 हून अधिक लोक गंभीर जखमी झाले आहेत. किंग मोहम्मद सहावा यांनी 3 दिवसांचा राष्ट्रीय दुखवटा जाहीर केला आहे. त्यांनी पीडितांना अन्न, निवारा आणि इतर मदत देण्याचे आदेश दिले आहेत.
मोरोक्कन जिओलॉजिकल सेंटरनुसार, भूकंपाची तीव्रता 7.2 इतकी होती. तथापि, यूएस भूगर्भीय सर्वेक्षणाने त्याची तीव्रता 6.8 सांगितली आहे. तसेच या भागात 120 वर्षांतील हा सर्वात शक्तिशाली भूकंप असल्याचे सांगितले.
भूकंपामुळे अनेक इमारती कोसळल्याचं मोरोक्कोच्या सरकारी दूरचित्रवाणीनं सांगितलं. भूकंपाचा केंद्रबिंदू माराकेश शहरापासून 70 किलोमीटर अंतरावर असलेल्या अॅटलास पर्वताजवळील इघिल गाव असल्याचे सांगण्यात आले. भूकंपाची खोली जमिनीपासून 18.5 किलोमीटर खाली होती. पोर्तुगाल आणि अल्जेरियापर्यंत भूकंपाचे धक्के जाणवले.
(हेही वाचा – G20 summit: एकविसाव्या शतकात महिलांच्या नेतृत्वाखाली होणारे बदल विकास घडवतील, पंतप्रधान नरेंद्र मोदी यांची ग्वाही )
युनेस्कोच्या जागतिक वारसा स्थळाचेही नुकसान
युनेस्कोच्या जागतिक वारसा स्थळ असलेल्या ऐतिहासिक माराकेशमध्ये पर्यटकांचे लक्ष वेधणाऱ्या लाल भिंतींचे काही भागही खराब झाले आहेत. स्थानिक टीव्ही चॅनलने दिलेल्या माहितीनुसार, या भूकंपात शहरातील कुतुबिया मशिदीचा मिनार कोसळला आहे. ही मशीद युनेस्को वारसा स्थळ होती. ज्यांचे फोटो व्हायरल होत आहेत.
इमारती कोसळल्याने लोक पळताना दिसले
भूकंपाच्या केंद्राजवळील ग्रामीण भाग असल्याने बहुतांश घरे मातीची व जुन्या पद्धतीने बांधलेली होती. जो भूकंपामुळे पूर्णपणे कोसळला. अल जझीराने दिलेल्या माहितीनुसार, ताफेघाट परिसरात अशी कोणतीही इमारत नाही जी भूकंपामुळे कोसळली नाही. इमारती कोसळल्याने लोक घाबरून धावताना दिसत होते.
भारत, ब्रिटन, अमेरिका मदत करणार
भारताचे पंतप्रधान नरेंद्र मोदी यांनी मोरोक्कोमधील भूकंपावर शोक व्यक्त केला. ते म्हणाले- या दुःखाच्या वेळी आम्ही मोरोक्कोसोबत आहोत. आम्ही शक्य ती सर्व मदत करण्यास तयार आहोत. अमेरिकेचे राष्ट्राध्यक्ष जो बायडेन आणि ब्रिटनचे पंतप्रधान ऋषी सुनक यांनीही मोरोक्कोला सर्वतोपरी मदत देण्याबाबत चर्चा केली.
हेही पहा –
Join Our WhatsApp Community