Virat Kohli Viral Picture : विराट कोहलीचा बालपणीचा एक फोटो का होतोय व्हायरल?

• ऋजुता लुकतुके

विराट कोहलीच्या बालपणीचा एक फोटो अलीकडे सोशल मीडियावर व्हायरल झालाय आणि विराटने तसाच एक फोटो आताही काढलाय. या व्हायरल फोटोमागचं रहस्य समजून घेऊया. विराट कोहली नि:संशय भारताचा आणि जगातील सगळ्यात नावाजलेला क्रिकेटपटू आहे. त्यामुळेच त्याचा चाहता वर्ग जगभर पसरलेला आहे. त्याचे फोटो आणि व्हिडिओ लगेच व्हायरल होतात. पण, अलीकडे त्याचा असा एक फोटो व्हायरल झालाय जो व्हायरल केला गेलाय. काय आहे प्रकरण पाहूया…

आधी तो फोटो कुठला ते पाहूया…

Virat Kohli recreating his childhood pose.

Moment of the day! pic.twitter.com/bgs6xMxguP

— Mufaddal Vohra (@mufaddal_vohra) September 25, 2023

(हेही वाचा – Asian Games 2023 : नेपाळने टी-२० क्रिकेटमध्ये रचला धावांचा उच्चांक, युवराजचा विक्रमही मोडला)

फोटोत एका बाजूला विराटचा लहानपणीचा फोटो आहे आणि चेक्सच्या शर्टमध्ये विराट दिसतोय. आता मोठ्या विराटने पुन्हा एकदा तसाच शर्ट घालून तशीच पोझ दिली आहे आणि लहानपणीचा तसंच आताचा फोटो शेजारी शेजारी ठेवून काढलेला नवीन फोटो सध्या व्हायरल होतोय. खरंतर हा फोटो अलीकडच्या एका जाहिरातीच्या चित्रिकरणा दरम्यानचा आहे आणि बालपणीचा फोटो पुन्हा जगणं ही जाहिरातीचीच गरज होती. त्यासाठी विराटने बालपणीचा तो गेटअप पुन्हा केला होता.

ऑस्ट्रेलिया विरुद्धच्या मालिकेत पहिले दोन एकदिवसीय सामने विराट खेळला नाही. या विश्रांतीच्या काळात तो काही दिवस जाहिरातीच्या चित्रिकरणात व्यस्त होता आणि तेव्हाचा हा फोटो आता व्हायरल होतोय. विराट आता पुन्हा एकदा भारतीय संघात सामील झाला आहे. आणि राजकोट इथं ऑस्ट्रेलिया विरुद्धचा तिसरा एकदिवसीय सामनाही तो खेळलाय. या सामन्यात भारतीय संघाचा पराभव झाला असला तरी विराटने ६१ चेंडूत ५६ धावांचं योगदान दिलं. आता भारतीय संघ देशातच होणाऱ्या एकदिवसीय विश्वचषकात खेळणार आहे.

हेही पहा –