BJP : सत्ता मिळविण्यासाठी विविध राज्यातील ४४ नेते मैदानात

भारतीय जनता पक्षाने राजस्थानमध्ये सत्ता मिळविण्यासाठी कंबर कसली असून विविध राज्यातील ४४ नेत्यांना निवडणुकीची जबाबदारी सोपविली आहे. यामुळे नेत्यांना जनतेपर्यंत पोहोचून त्यांना भाजपाला मतदान करण्यासाठी प्रेरित करण्याचे अवजड असे धनुष्यबाण या नेत्यांच्या खांद्यावर ठेवण्यात आले आहे, हे विशेष. तसेच अन्य नेत्यांवरही वेगवेगळी जबाबदारी सोपविण्यात आली आहे. भाजपने राजस्थानमध्ये सत्ता मिळविण्यासाठी जोरदार तयारी सुरू केली आहे.

भारतीय जनता पक्षाने राजस्थान विधानसभा निवडणुकीत विशेष रणनीती तयार केली आहे. याअंतर्गत राज्याचे ७ झोनमध्ये विभाजन करताना पक्षाने ४४ जिल्ह्यांची कमान विविध राज्यातील ४४ नेत्यांकडे सोपवली आहे. त्यांच्या प्रभारी जिल्ह्यातील समस्यांवर निर्णय घेणे, उमेदवारांना मदत करणे, केंद्रीय नेत्यांच्या कार्यक्रमांचे आयोजन आणि निवडणूकविषयक इतर कामे करण्याची काम निश्चित करण्यात आली आहेत. या नेत्यांमध्ये इतर राज्यातील खासदार, केंद्रीय मंत्री, आमदार, माजी खासदार, माजी मंत्री आहेत.

प्रदेश कार्यालयात झालेल्या बैठकीत या सर्व नेत्यांना विधानसभानिहाय कामाचे वाटपही करण्यात आले आहे. दिल्लीचे खासदार परवेश वर्मा यांना जोधपूर देहाट, केंद्रीय मंत्री जितेंद्र सिंग यांना जयपूर शहर, हरियाणाचे आमदार महिपाल धाडा ते हनुमानगड, हरियाणाचे प्रदेश सरचिटणीस संदीप जोशी यांना चुरू, जम्मू -काश्मीरचे माजी उपमुख्यमंत्री निर्मल सिंग यांना जयपूर देहाट दक्षिण, जम्मू-काश्मीरचे माजी उपमुख्यमंत्री कविंदर गुप्ता यांना दौसा, हरियाणाचे भाजप नेते अरविंद यादव यांना अजमेर देहाट, दिल्लीचे खासदार रमेश बिधुरी यांना टोंक, उत्तर प्रदेश भाजप नेते अरुण असीम यांच्याकडे कोटा ग्रामीण भागाची जबाबदारी देण्यात आली आहे.

(हेही वाचा – Lalbagh Raja Visarjan : ‘लालबागचा राजा’ विसर्जन सोहळ्यात चोरट्यांची कमाई)

रमेश पोखरियाल निशंक यांना करौली येथे पाठवण्यात आले, तर उत्तराखंडमध्ये प्रदेश उपाध्यक्ष कुलदीप कुमार यांना बरानची जबाबदारी, गुजरातचे आमदार प्रवीण माळी यांना बांसवाडा आणि मुकेश पटेल यांना राजसमंद जिल्ह्यांची जबाबदारी देण्यात आली आहे. तसेच केंद्रीय मंत्री कृष्ण पाल गुर्जर यांच्याकडे सवाई माधोपूर, खासदार आणि माजी मंत्री रमेश पोखरियाल निशंक यांच्याकडे करौली जिल्ह्यांची जबाबदारी देण्यात आली आहे. याशिवाय उत्तराखंड सरकारचे मंत्री धनसिंग रावत यांच्याकडे ढोलपूरची कमान सोपवण्यात आली आहे, तर हरियाणा भाजपचे अध्यक्ष ओम प्रकाश धनखर यांच्याकडे झुंझुनूची कमान सोपवण्यात आली आहे. हरियाणाचे खासदार नायब सैनी यांच्याकडे अलवर दक्षिणची जबाबदारी आहे, तर खासदार सुनीता दुग्गल यांच्याकडे अलवर उत्तर जिल्ह्याची जबाबदारी आहे.

हेही पहा –