ICC World Cup 2023 : भारतीय संघाचं इन्स्टाग्राम रील व्हायरल, त्यात विराट नसल्यामुळे चाहते नाराज

• ऋजुता लुकतुके

विश्वचषक स्पर्धा सुरू होण्यापूर्वी भारतीय खेळाडूंनी एकत्र येईन एक रील तयार केलंय आणि संघाच्या अधिकृत इन्स्टाग्राम हँडलवर ते प्रसिद्धही करण्यात आलं. पण, चाहते या रीलवर नाराज आहेत. हल्ली सोशल मीडियाचा जमाना आहे आणि लग्नाचं प्री-वेडिंग शूट असतं, तसंच एक फोटो-शूट विश्वचषक स्पर्धेपूर्वी भारतीय खेळाडूंनीही केलं. संघाच्या अधिकृत इन्स्टाग्राम हँडलवर त्याचं एक रीलही अलीकडेच प्रसिद्ध करण्यात आलं आहे. हे रील चांगलंच व्हायरल झालं. पण, काही चाहते मात्र त्यावर नाराज आहेत. (ICC World Cup 2023)

या रीलमध्ये स्टार फलंदाज विराट कोहली, दिसत नाहीए आणि हे लोकांच्या नाराजीचं कारण आहे. बाकी, कर्णधार रोहीत शर्मा, जसप्रीत बुमरा, सुर्यकुमार यादव, के एल राहुल, रवी अश्विन, महम्मद शामी, शार्दूल ठाकूर, सिराज आणि ईशान किशन हे खेळाडू यात दिसत आहेत. ३६० डिग्री कॅमेरा वापरून केलेल्या या व्हीडिओचा मथळा आहे ‘रेअरिंग टू गो फॉर #CWC2023!’ विश्वचषक स्पर्धेत भाग घेण्यासाठी आम्ही तयार आहोत आणि सिद्धही आहोत, असं थोडक्यात खेळाडू म्हणत आहेत. (ICC World Cup 2023)

(हेही वाचा – Russia Ukraine War : रशियाचा युक्रेनवर सर्वांत भीषण हल्ला, युक्रेनमध्ये मृतदेहांचा खच)

 

View this post on Instagram

 

A post shared by Team India (@indiancricketteam)

हे रील चांगलंच व्हायरल झालंय. आतापर्यंत १७ लाखांच्या वर लोकांनी ते पाहिलंय. पण, त्याचबरोबर अनेकांनी प्रश्नही उपस्थित केला आहे. ‘मी विराटची वाट बघत होतो. पण, शेवटपर्यंत तो दिसलाच नाही, असं का?’ असं एका चाहत्याने विचारलंय. ‘कोहली शिवाय हे रील पूर्णच होऊ शकत नाही. हे रील म्हणजे मसाल्या शिवायचं मिळमिळीत जेवण आहे,’ असं आणखी एका चाहत्याने म्हटलंय. तर किंग कोहली कुठे? कोहली मिसिंग अशा अनेक प्रतिक्रिया आहेत. (ICC World Cup 2023)

गुवाहाटीतील पहिल्या सराव सामन्यानंतर विराट कोहली काही घरगुती अडचणींमुळे मुंबईतील आपल्या घरी परतला होता. भारतीय खेळाडूंनी थीरुअनंतपुरम इथं दुसऱ्या सामन्यापूर्वी हे रील केलं आहे. आता किंग कोहली भारतीय संघात परतला आहे. आणि ऑस्ट्रेलिया विरुद्ध तो खेळणार आहे. (ICC World Cup 2023)

हेही पहा –