Israel-Palestine Conflict : दहशतवादाविरोधात कठोर कारवाई व्हायला हवी; पंतप्रधान मोदी यांना आठवला संसदेवरील ‘तो’ हल्ला

आज जग एका संकटाचा सामना करत आहे. (Israel-Palestine Conflict) संघर्ष कोणाच्याही हिताचा नसतो. जगात जे चालले आहे, ते योग्य नाही. विभाजित जग मानवतेवर तोडगा काढू शकत नाही. हा काळ सर्वांच्या विकासाचा आणि कल्याणाचा आहे. आपण जगाकडे एक कुटुंब म्हणून पाहिले पाहिजे. या भावनेने भारताने आफ्रिकन देशांना जी-20 मध्ये समाविष्ट करण्याचा प्रस्ताव दिला होता. भारत सीमेपलीकडील दहशतवादाचा सामना करत आहे. संसदेचे अधिवेशन सुरू असताना हा हल्ला झाला. आपल्या संसदेवर 20 वर्षांपूर्वी हल्ला झाला होता. दहशतवादाच्या व्याख्येवर आतापर्यंत एकमत झाले नाही, हे अतिशय दुःखद आहे. हे लोक जगाच्या या कमकुवतपणाचा फायदा घेत आहेत. दहशतवादाच्या विरोधात एकत्र उभे राहा, असे आवाहन पंतप्रधान नरेंद्र मोदी यांनी केले आहे. ते नवी दिल्ली येथे पी-20 शिखर परिषदेला संबोधित करत होते. (Israel-Palestine Conflict)

(हेही वाचा – Ind vs Pak Shubman Gill : शुभमन गिल मैदानात परतल्यामुळे भारतीय गोटात आनंदाचं वातावरण)

दहशतवाद हे जगासाठी मोठे आव्हान

पंतप्रधान पुढे म्हणाले, “सुमारे 20 वर्षांपूर्वी दहशतवाद्यांनी आपल्या संसदेला लक्ष्य केले. त्यावेळी संसदेचे अधिवेशन सुरू होते आणि खासदारांना आतमध्ये अडकवून संपवण्याचा दहशतवाद्यांचा हेतू होता. दहशतवाद हे जगासाठी किती मोठे आव्हान आहे, याची जाणीवही जगाला होत आहे. जिथे जिथे दहशतवाद होतो, कोणत्याही कारणासाठी, कोणत्याही स्वरूपात, तो मानवतेच्या विरोधात आहे. अशा परिस्थितीत आपण सर्वांनी दहशतवादाच्या विरोधात कठोर कारवाई केली पाहिजे.” (Israel-Palestine Conflict)

दहशतवादाच्या व्याख्येवर एकमत नाही

दहशतवादाच्या व्याख्येवर एकमत नसणे, हे अत्यंत दुःखद आहे. आजही संयुक्त राष्ट्र त्याची वाट पाहत आहे. जगाच्या या वृत्तीचा मानवतेचे शत्रू गैरफायदा घेत आहेत. दहशतवादाच्या विरोधात आपण कसे काम करू शकतो, याचा विचार जगाच्या प्रतिनिधींना करावा लागेल, असे पंतप्रधान मोदी पुढे म्हणाले.

इस्रायल-हमास संघर्ष वाढला

इस्रायल आणि हमास यांच्यातील युद्धाचा आज सातवा दिवस आहे. जसजसा काळ पुढे सरकत जातो तसतसे युद्ध अधिकाधिक प्राणघातक आणि विध्वंसक होत जाते. गाझामध्ये प्रवेश करून इस्रायली सैन्याचा उद्देश केवळ हमासच्या दहशतवाद्यांचा नायनाट करणे हा नसेल, तर हमासने ओलीस ठेवलेल्या इस्रायली नागरिकांची सुरक्षित सुटका करणे, हे सर्वांत मोठे आव्हान असेल. हमासने नागरिकांची सुटका करेपर्यंत कोणतीही मदत दिली जाणार नाही, असे इस्रायलने स्पष्ट केले आहे. (Israel-Palestine Conflict)

हेही पहा –