I.N.D.I.A Alliance : ‘इंडिया’त जागा वाटपावरून एकमत नाही

लोकसभा निवडणुकीपूर्वी महाराष्ट्रातील जागावाटपावरून इंडिया आघाडीतील घटक पक्षांमध्ये खडाजंगी सुरू आहे. मात्र, काँग्रेस नेतृत्वाने आता राज्यातील जागावाटपाचा तिढा सोडविण्याची जबाबदारी राष्ट्रवादीचे अध्यक्ष शरद पवार यांच्यावर सोपवली आहे. शरद पवार आता शिवसेना (ठाकरे गट) पक्षप्रमुख उद्धव ठाकरे यांच्याशी चर्चा करून जागांबाबतचा प्रश्न सोडविणार असल्याचे सांगण्यात येत आहे. राज्यातील तीन प्रमुख पक्ष, काँग्रेस, राष्ट्रवादी (शरद पवार) आणि शिवसेना (ठाकरे गट), इंडिया आघाडीमध्ये समाविष्ट असलेल्या, आगामी लोकसभा निवडणुका एकत्र लढण्याचा निर्णय घेतला आहे. मात्र, जागावाटपाबाबत तिन्ही पक्षांमध्ये एकमत नाही. (I.N.D.I.A Alliance)

शिवसेनेचे (ठाकरे गट) सध्या जास्त खासदार आहेत, त्यामुळे शिवसेनेने राज्यातील ४८ जागांपैकी २५ जागांवर दावा केला आहे. दरम्यान, शिवसेना आणि राष्ट्रवादीमध्ये फूट पडल्याने काँग्रेसला जास्त जागा हव्या आहेत. सूत्रांनी दिलेल्या माहितीनुसार, दहा दिवसांपूर्वी दिल्लीत या विषयावर महत्त्वपूर्ण चर्चा झाली होती. या बैठकीला शरद पवार, काँग्रेस अध्यक्ष मल्लिकार्जुन खरगे आणि काँग्रेसचे ज्येष्ठ नेते राहुल गांधी उपस्थित होते. महाराष्ट्रातील लोकसभेचे उमेदवार निश्चित करण्यासाठी राष्ट्रवादी काँग्रेसचे सर्वेसर्वा शरद पवार यांच्या सूचनेवरून काँग्रेस नेतृत्वाने त्यांची निवड केल्याचे सांगण्यात येते. जागा वाटपाचा तिढा सुटेल, या दिशेने सध्या वाटचाल सुरू असल्याचे सुत्रांकडून समजते. (I.N.D.I.A Alliance)

अंतर्गत वादही मिटतील!

शरद पवार हे कोणत्याही राजकीय प्रश्नावर तोडगा काढण्यासाठी सक्षम नेते मानले जातात. माजी मुख्यमंत्री अशोक चव्हाण, विरोधी पक्षनेते विजय वडेट्टीवार, सतेज पाटील, काँग्रेस प्रदेशाध्यक्ष नाना पटोले, प्रणती शिंदे, अमित देशमुख आणि विश्वजित कदम यांच्यासह राज्यातील काँग्रेस नेत्यांमध्ये सुरू असलेल्या भांडणाचा जागावाटपावर परिणाम होऊ शकतो. हे प्रश्न केवळ शरद पवारच सोडवू शकतात, असे काँग्रेस नेतृत्वाचे मत आहे. ते उद्धव ठाकरेंशी बोलून त्यांना काँग्रेसच्या अटी मान्य करण् पटवून देऊ शकतात. अजित पवार यांच्या नेतृत्वाखालील राष्ट्रवादीच्या बालेकिल्ल्यांचीही शरद पवारांना सखोल माहिती आहे. त्या भागातील उमेदवार निवडीत शरद पवार महत्त्वाची भूमिका बजावू शकतात. (I.N.D.I.A Alliance)

(हेही वाचा – Mumbai Fire : कांदिवलीत ९ मजली इमारतीला भीषण आग)

आंबेडकरांचा प्रश्न सोडवला जाईल!

गेल्या निवडणुकीत प्रकाश आंबेडकर यांच्या नेतृत्वाखालील वंचित बहुजन आघाडीने मतांचे विभाजन करून काँग्रेसचे मोठे नुकसान केले होते. प्रकाश आंबेडकर यांनी शिवसेनेशी (ठाकरे गट) युती केली आहे. शिवसेनेच्या कोट्यातून जागा देऊन प्रकाश आंबेडकरांचा समावेश करण्याचा प्रश्न सुटू शकतो. प्रकाश आंबेडकर यांनी गेल्या शनिवारी वाय. बी. चव्हाण सभागृहात शरद पवार यांची भेट घेतली होती. या दोघांच्या भेटीमुळे या मुद्दयावरही तोडगा काढण्यात शरद पवार यशस्वी होतील, अशी आशा काँग्रेस हायकमांडला आहे. (I.N.D.I.A Alliance)

हेही पहा –