Asian Para Games 2023 : दुसऱ्या दिवशीही भारताची पदकांची लूट, ४ सुवर्णांसह एकूण १८ पदकं खिशात

ऋजुता लुकतुके

होआंगझाओ इथं सुरू असलेल्या आशियाई पॅरालिम्पिक (Asian Para Games 2023) खेळांमध्ये दुसऱ्या दिवशीही भारतीयांनी पदकांची लूट सुरू ठेवली. काही दिवसांपूर्वी झालेल्या आशियाई खेळांत भारतीयांनी १०७ पदकं जिंकली होती. त्यामुळे पॅरा ॲथलीटनीही शंभरी गाठण्याचंच उद्दिष्ट ठेवलं आहे. पहिल्या दिवशी ६ सुवर्णांसह एकूण १९ पदकं भारतीयांनी पटकावली होती. आणि भारतीय संघ गुणतालिकेत चौथ्या स्थानावर होता.

मंगळवारी दुसऱ्या दिवशी भारतीयांनी यात आणखी ६ सुवर्णांची भर टाकली आहे. दिवसाच्या सुरुवातीला कॅनोइंगमध्ये प्राची यादवने भारताला पहिलं सुवर्ण जिंकून दिलं. सोमवारी महिलांच्या व्हीएल २ प्रकारातही प्राचीने रौप्य जिंकलं होतं. आता केएल२ प्रकारात प्राचीने सुवर्ण आपल्या नावावर केलं. जवळ जवळ ५४ सेकंदात शर्यत पूर्ण करून प्राचीने सुवर्ण आपल्या नावावर केलं.

First GOLD of Day 2 at #AsianParaGames! 🥇🇮🇳

Our #TOPScheme athlete @ItzPrachi_ strikes Gold for India in Para Canoe, Women’s KL2, with an impressive clocking of 54.962.
This marks her second medal at the #AsianParaGames2022 🏆🚣🏻‍♀️

Congratulations Prachi on this remarkable… pic.twitter.com/i2ZIKRq2Pn

— SAI Media (@Media_SAI) October 24, 2023

प्राची पाठोपाठ महिलांच्या ४०० मीटर टी२० धावण्याच्या स्पर्धेत दीप्ती जीवनजीने सुवर्ण जिंकलं ते नवा आशियाई विक्रम रचत. तिने हे अंतर ५६.६९ सेकंदात पूर्ण केलं. दिप्ती रौप्य जिंकलेल्या पॅरा ॲथलीटपेक्षा २ सेकंदांनी पुढे होती.

India’s Gold Rush Continues at #AsianParaGames! 🥇🇮🇳

Deepthi Jeevanji clinches another gold for India in the Women’s 400m-T20, setting a new Asian Para Record and Games Record with a blazing time of 56.69! 💪✌️🏆

Congratulations to Deepthi for soaring to new heights and making… pic.twitter.com/TGTbygcvvC

— SAI Media (@Media_SAI) October 24, 2023

भारताला तिसरं सुवर्ण मिळालं ते पुरुषांच्या १००० मीटर टी१३ प्रकारात. शंकरप्पा शरथने २०:१८:९० अशी वेळ नोंदवत ही शर्यत पूर्ण केली. शंकरप्पाची ही पहिली आशियाई स्पर्धा होती. आणि त्याने आत्मविश्वासपूर्ण खेळ करत सुवर्ण आपल्या नावावर केलं.

थाळीफेक स्पर्धेत तर भारताला तीनही पदकं मिळाली. त्यामुळे पोडिअमवर तीनही भारतीय खेळाडू पाहण्याचं भाग्य भारतीय पथकाला या स्पर्धेत तब्बल तिसऱ्यांदा लाभलं. (Asian Para Games 2023) नीरज यादवने वैयक्तिक सर्वोत्तम कामगिरी करताना सुवर्णही मिळवलं. तर योगेश कठुनियाला रौप्य आणि मुथुराजाला कांस्य पदक मिळालं.

मंगळवारी भारताने ४ सुवर्ण, ६ रौप्य आणि ८ कांस्य पदकं जिंकली. एकूण ३५ पदकांसह भारतीय पथक पदकतालिकेत चौथ्या स्थानावर आहे. चीन पहिल्या, इराण दुसऱ्या तर उझबेकिस्तान तिसऱ्या स्थानावर आहेत.

हेही पहा-