इस्रायल आणि हमास (Israel-Hamas Conflict) यांच्यामध्ये ७ ऑक्टोबरपासून घनघोर युद्ध (War) सुरू आहे. या युद्धात आतापर्यंत हजारो लोकांचा बळी गेला. याच दरम्यान इस्त्रायच्या संरक्षण दलाने इस्त्रायलमध्ये घुसलेल्या हमास दहशतवाद्यांपैकी एका दहशतवाद्याकडे सापडलेली चिठ्ठी प्रसिद्ध केली आहे. संरक्षण दलाकडून ही चिठ्ठी जप्त करण्यात आली आहे. या चिठ्ठीमध्ये दहशतवाद्याने हमासमधील तरुण सैनिकांसाठी संदेश दिला आहे.
इस्रायल संरक्षण दल (Israeal Defence Force)ने दहशतवाद्याकडून जप्त केलेल्या या चिठ्ठीत हमासमधील तरुणांना उद्देशून लिहिले आहे की, ‘आपल्या तलवारी उचला, तलवारीच्या पात्याला तीक्ष्ण धार करा आणि आपल्या ध्येयावर ठाम राहा तसेच या चिठ्ठीत शत्रूबाबत वक्तव्य करताना लिहिले आहे की, शत्रू एखाद्या रोगासारखा आहे. त्याच्यावर काही इलाज नाही. ‘
(हेही वाचा – Maratha Reservation : गिरीश महाजन यांचा मनोज जरांगे यांना फोन; काय म्हणाले मनोज जरांगे )
हमासने आपल्या तरुण सैनिकांना सांगितले होते की, शत्रूंचे मुंडके कापून त्याचे काळीज बाहेर काढण्याशिवाय दुसरा कोणताही उपाय नाही, असेही या चिठ्ठीत लिहिले आहे.