ऋजुता लुकतुके
चीनच्या होआंगझाओ इथं सुरू असलेल्या आशियाई पॅरालिम्पिक खेळात (Asian Para Games 2023) भारताच्या सुमित अंतिलने भालाफेकीत स्वत:चाच विश्वविक्रम मोडीत काढत सुवर्ण पदक जिंकलं. यावेळी त्याने ७३.२९ मीटर इतका दूर भाला फेकला. ही कामगिरी लक्षणीय मानली जात आहे.
अंतिल बरोबरच ॲथलेटिक्समध्ये आणखी भारताने ५ सुवर्ण जिंकली. आणि बुधवारी जिंकलेल्या ३० पैकी एकूण १७ पदकं भारताने याच क्रीडाप्रकारात जिंकली. सुमितचा आधीचा विक्रम ७०.३ मीटरचा होता. तीन मीटरने त्याने आपली कामगिरी उंचावली. भारताच्याच पुष्पेंद्र सिंगला कांस्य पदक मिळालं. २५ वर्षीय अंतिम एफ ६४ प्रकारात खेळतो. इथं पायाने अधू असलेले आणि कृत्रिम पाय लावलेले ॲथलीट एकमेकांशी भिडतात.
🇮🇳🥇🥉 Unbelievable feat by our Para Javelin Champs at the #AsianParaGames2022!
Sumit Antil and Pushpendra Singh kept Podium Dominance by winning 2 medals for India in the Men’s Javelin F64 event.🥇 #TOPScheme Athlete @sumit_javelin clinched Gold with a remarkable throw of… pic.twitter.com/sfHjn7hnl7
— SAI Media (@Media_SAI) October 25, 2023
अंतिलने दिवसाची सुरुवात चांगली करून दिल्यावर भारताने दिवसभरात आणखी ५ सुवर्ण पदकं नावावर केली. यात अंकुर धामाने १५०० मीटर टी११ प्रकारात मिळवलेलं सुवर्णही लक्षवेधी ठरलं.
Celebrating another incredible triumph at the #AsianParaGames2022, Ankur Dhama secures a #Gold🥇in Men’s 1500m-T11 final with a remarkable time of 4:27.70! 🎉
Heartiest congratulations to the champion👏#Cheer4India#Praise4Para #JeetegaBharat#HallaBol😍 pic.twitter.com/uU0rT6DMje
— SAI Media (@Media_SAI) October 25, 2023
तर एफ४६ प्रकारच्या भालाफेकीत भारताला तीनही पदकं मिळाली. पूर्ण पोडिअम फिनिश असलेली भारताचा पहिल्या दिवशीपासूनची ही तिसरी वेळ. यात सुंदर गुर्जरने ६८.६० मीटरची भालाफेक केली. तर रिंकू हुडा दुसरा आणि अजित सिंग तिसरा आला.
Day 3⃣ of #AsianParaGames2022 & 🇮🇳 gives another clean sweep in Men’s F-46 #Javelin Throw 🥳🥳
3 #TOPSchemeAthletes & Top 3 podium finishes!👇
* GOLD – @SundarSGurjar broke the World & Asian Record with a throw of 68.60m 🥳
* SILVER – @RinkuHooda001 with a Games Record throw… pic.twitter.com/5J7UuqJPHY
— SAI Media (@Media_SAI) October 25, 2023
तर महिलांच्या १५०० मीटर टी११ प्रकारातही भारताला सुवर्ण आणि रौप्य अशी दोन पदकं मिळाली. रक्षिता राजूने सुवर्ण तर लतिका किलाकाला रौप्य पदक मिळालं. पुरुषांच्या एफ३७ या भालाफेक प्रकारातही भारताच्या हेनीने सुवर्ण जिंकलं. दिवसातील शेवटचं सुवर्ण टी४७ या लांबउडी प्रकारात निमिषाला मिळालं.
याशिवाय भारतीयांनी पॅरा तिरंदाजी, पॅरा टेबल टेनिस आणि पॅरा बॅडमिंटनमध्येही पदकांची लूट केली. बॅडमिंटनमध्येही भारताला ६ कांस्य पदकं मिळाली.
Join Our WhatsApp Community