पुढील पाच वर्षांत 2028-29 पर्यंत भारत आपली लांब पल्ल्याची हवाई संरक्षण प्रणाली तैनात करण्यासाठी सज्ज आहे. (Project Kush) प्रोजेक्ट कुश अंतर्गत विकसित करण्यात येत असलेल्या लांब पल्ल्याच्या जमिनीवरून हवेत मारा करणाऱ्या क्षेपणास्त्र प्रणालीमध्ये रशियाच्या एस-400 हवाई संरक्षण प्रणालीइतकी क्षमता आहे. (Project Kush)
शत्रूची क्षेपणास्त्रे आणि बॉम्ब हवेतच होणार नष्ट
संरक्षण क्षेत्रातही भारत स्वावलंबी होत आहे. क्षेपणास्त्र असो किंवा लढाऊ विमान, डीआरडीओ व्यतिरिक्त अनेक भारतीय कंपन्या प्राणघातक शस्त्रे तयार करत आहेत. भारत अनेक देशांना शस्त्रे आणि लष्करी उपकरणांची निर्यातही करत आहे. दुसरीकडे, आपल्या हवाई क्षेत्राच्या सुरक्षेबद्दल बोलायचे झाल्यास, भारताकडे लवकरच स्वतःची हवाई संरक्षण प्रणाली असेल, जी शत्रूची क्षेपणास्त्रे आणि बॉम्ब पाहून ते हवेतच नष्ट करेल. जर हा प्रकल्प योग्य गतीने चालला, तर लवकरच भारताकडे इस्रायलसारखा स्वतःचा ‘आयर्न डोम’ असेल. (Project Kush)
(हेही वाचा – Attack On Russian airport : पॅलेस्टाईन समर्थकांचा विमानतळावर हल्ला; रशियाने घेतला मोठा निर्णय)
महत्त्वाकांक्षी ‘प्रोजेक्ट कुश’
2028-29 पर्यंत लांब पल्ल्याच्या हवाई संरक्षण प्रणाली सक्रियपणे तैनात करण्याची भारताची योजना आहे. ही स्वदेशी हवाई संरक्षण प्रणाली 350 कि.मी. पर्यंतच्या अंतरावर येणारी गुप्त लढाऊ विमाने, क्षेपणास्त्रे, ड्रोन आणि लक्ष्य ठरवलेली शस्त्रे शोधून खाली पाडेल. डीआरडीओने महत्त्वाकांक्षी ‘प्रोजेक्ट कुश’ अंतर्गत ‘इंटरसेप्शन क्षमते’सह विकसित केलेली स्वदेशी लांब पल्ल्याची जमिनीवरून हवेत मारा करणारी क्षेपणास्त्र (एलआर-एसएएम) प्रणाली अलीकडेच समाविष्ट केलेल्या रशियन क्षेपणास्त्र हवाई संरक्षण प्रणाली एस-400 ट्रायम्फ हवाई संरक्षण प्रणालीसारखीच असेल. अलीकडेच त्याचा भारतीय हवाई दलात समावेश करण्यात आला. (Project Kush)
माहितीनुसार, मे 2022 मध्ये मंत्रीमंडळाच्या सुरक्षा समितीने ‘मिशन-मोड’ प्रकल्प म्हणून एल्आर्-एस्एएम् प्रणाली तयार करण्याच्या प्रकल्पाला मंजुरी दिली. गेल्या महिन्यात संरक्षण मंत्रालयाने भारतीय हवाई दलाच्या 5 स्क्वॉड्रनच्या खरेदीसाठी एनओसी दिली होती. लांब पल्ल्याच्या इंटरसेप्टर आणि अग्निनियंत्रण रडारसह फिरत्या एल्.आर्.-एस्.ए.एम्. प्रकल्पात अनेक क्षेपणास्त्रे असतील जी विशेषतः शत्रूला दिलेल्या अंतरावर नष्ट करण्यासाठी तयार केली गेली आहेत. (Project Kush)
डीआरडीओचे निवेदन
डीआरडीओच्या म्हणण्यानुसार, “ही संरक्षण प्रणाली प्रत्येक आघाडीवर प्रभावी ठरेल. AWACS (एअरबोर्न वॉर्निंग अँड कंट्रोल सिस्टम) आणि 350 कि. मी. अंतरावर मोठ्या विमानांना अडवण्यासाठी मिड-एअर रिफ्युअलिंगसह 250 कि.मी. अंतरावर लढाऊ-आकाराच्या लक्ष्यांवर हल्ला करण्यासाठी संरक्षण प्रणालीची रचना करण्यात आली आहे.” (Project Kush)
हेही पहा –
Join Our WhatsApp Community