अमेरिकेचे सैन्य विमान (US military plane) CV-22 Osprey हे विमान बुधवारी, 29 नोव्हेंबर रोजी कोसळले. इंजिनला आग लागल्यानंतर ते जपानच्या (Japan) याकुशिमा बेटाजवळ समुद्रात कोसळले. या विमानात 8 प्रवासी होते. स्थानिक मच्छिमारांनी समुद्रकिनाऱ्यावर एका व्यक्तीची सुटका केली आहे. याकुशिमा बेटाजवळही (Yakushima Island) विमानाचे अवशेष सापडले, असे बीबीसीच्या अहवालात म्हटले आहे. (US Military Aircraft Crash)
एन.एच.के. या जपानी प्रसारमाध्यमाने दिलेल्या वृत्तानुसार, अमेरिकेचे लष्करी विमान याकुशिमा विमानतळावर (Yakushima Airport) उतरणार होते. अपघाताची बातमी मिळताच 2 हेलिकॉप्टर्स आणि 6 बोटी बचावकार्यासाठी पाठवण्यात आल्या.
(हेही वाचा – Cabinet Decision : मंत्रिमंडळ बैठकीत घेतले गेले ‘हे’ आठ महत्वाचे निर्णय)
जपानचे मुख्य कॅबिनेट सचिव हिरोकाजू मात्सुनो (Hirokazu Matsuno) यांनी सांगितले की, विमान यामागुची येथील इवाकुनी तळावरून ओकिनावामधील काडेना तळाकडे जात होते. स्थानिक वेळेनुसार दुपारी 2:40 वाजता विमान रडारवरून गायब झाले. सात मिनिटांनंतर तटरक्षक दलाला (Coast Guard) विमान कोसळल्याची बातमी मिळाली.
ऑस्प्रे कोसळण्याचा धोका कायम आहे
रॉयटर्सच्या म्हणण्यानुसार जपानमध्ये ऑस्प्रेच्या (CV-22 Osprey) तैनातीबाबत वाद झाला होता. या विरोधकांनी सांगितले की, ऑस्प्रे कोसळण्याचा धोका कायम आहे. तथापि, ‘ऑस्प्रे पूर्णपणे सुरक्षितपणे उडते’, असे अमेरिका आणि जपानी सैन्याचे म्हणणे आहे.
(हेही वाचा – Delhi Airport : पती-पत्नी मधील भांडणामुळे चक्क करावे लागले इमर्जन्सी लँडिंग)
ऑस्प्रे हे बोइंग (BA.N) आणि बेल हेलिकॉप्टर यांच्यातील संयुक्त उपक्रम आहे. ती हेलिकॉप्टर आणि स्थिर पंखांचे विमान अशा दोन्ही प्रकारे उड्डाण करू शकते. याचा वापर अमेरिकन नौदल (US Navy) आणि जपानी सैन्य (Japanese army) या दोघांकडूनही केला जातो.
2019 मध्येही अपघात झाला होता
याआधीही जपानमध्ये हवाई दलाशी संबंधित अपघात झाले आहेत. 2019 मध्ये, पायलटचा रस्ता चुकल्यानंतर F-35A स्टील्थ जेट समुद्रात कोसळले. या अपघातानंतर विमानाचा पायलट आणि कारणे शोधण्यात अनेक अडचणी आल्या. (US Military Aircraft Crash)
हेही पहा –
Join Our WhatsApp Community