आयकर (Income tax) विभाग देशभरातील करदात्यांच्या चांगल्या सोयीसाठी वेळोवेळी सिस्टममध्ये सुधारणा आणि बदल करत असतो. अलीकडे आयकराने करदात्यांना एक नवीन सुविधा सुरु केली ज्याला ‘डिस्कार्ड ITR’ असे नाव देण्यात आले आहे. डिस्कार्ड सुविधा सुरू केल्यानंतर आता करदाते त्यांचा कर परतावा डिस्कार्ड म्हणजे काढून टाकू शकतात. कोट्यवधी करदात्यांचा नवीन सुविधा सुरू केल्यानंतर करदाते त्यांचे कोणतेही उत्पन्न पूर्णपणे काढून टाकू शकतात म्हणजेच, तुम्ही ते डिस्कार्ड करू शकता. (Income Tax )
तर आयटीआर डिस्कार्ड होऊ शकते
नावावरूनच स्पष्ट होते की या सुविधा अंतर्गत करदाता आता कोणतेही आयकर रिटर्न पूर्णपणे डिस्कार्ड म्हणजे काढून टाकू शकतो. आयकर विभागाची नवीन सुविधा अशा करदात्यांचा आहे ज्यांनी यापूर्वी आयकर भरला आहे परंतु त्याची पडताळणी केलेली नाही. अशाप्रकारे, जर तुम्ही कधीही आयकर रिटर्न भरले असेल परंतु सत्यापित केले नसतील तर आता तुम्ही ते रिटर्न आयकर विभागाच्या डेटाबेसमधून काढून टाकू शकता. (Income Tax )
(हेही वाचा : Maratha Reservation : मनोज जरांगे लहान, त्यांना अजून अभ्यास करण्याची गरज – नारायण राणे)
सुधारित आयकर विवरणपत्र
सुधारित विवरणपत्र भरण्यासाठी जुन्या रिटर्नची पडताळणी करणे आवश्यक होते. म्हणजे जर तुम्ही आयकर विवरणपत्र भरले आणि नंतर एखादी चूक आढळली, तर ती दुरुस्त करणयासाठी प्रथम त्याची पडताळणी आणि नंतर सुधारित विवरणपत्र दाखल करण्याचा एकमेव पर्याय होता. अशा परिस्थितीत, आता करदात्यांची या प्रक्रियेतून सुटका होणार असून आता चुकीची माहिती प्रविष्ट केलेले रिटर्न टाकून करदाता नव्याने आयटीआर दाखल करू शकतात.
हेही पहा –