ऋजुता लुकतुके
आघाडीच्या ३ फलंदाजांचा अपवाद सोडला तर या सामन्यात भारताच्या ६ फलंदाजांची धावसंख्या एकेरी होती. दोघांनी तर भोपळाही फोडला नाही. पण, तरीही निर्धारित २० षटकं पूर्ण झाली तेव्हा भारतीय संघाच्या (Ind vs SA 3rd T20) धावफलकावर ७ बाद २०१ अशा धावा होत्या. कारण, सलामीवीर यशस्वी जयवालच्या ४१ चेंडूत ६० धावा. आणि कर्णधार सुर्यकुमार यादवच्या ५६ चेंडूंत १०० धावा. यापैकी सुर्यकुमार तर मैदानावरचं वादळ होतं. वादळापेक्षा जास्त वेगाने त्याचे चेंडू हवेत घोंघावत होते.
त्याने ८ षटकार आणि ७ चौकार ठोकले. आणि यातला प्रत्येक षटकार हवेत वाऱ्याशी स्पर्धा करत होता. टी-२० क्रिकेटमध्ये सुर्यकुमार सध्या अव्वल का आहे हे जोहानसबर्गमध्ये त्याने दाखवून दिलं. दक्षिण आफ्रिकेच्या एकाही गोलंदाजाकडे सुर्याला कसं थोपवायचं याचं उत्तर नव्हतं. नाही म्हणायला केशव महाराज आणि तबरेझ शाम्सी यांची फिरकी प्रभावी ठरली. महाराजने तर ६.५ च्या गतीने धावा दिल्या.
For his captain knock, @surya_14kumar receives the Player of the Match award 👏#TeamIndia won by 106 runs and levelled the series 1-1
Scorecard ▶️ https://t.co/NYt49KwF6j#TeamIndia | #SAvIND pic.twitter.com/iKctocW6tu
— BCCI (@BCCI) December 14, 2023
विजयासाठी दक्षिण आफ्रिकेसमोर २०२ धावांचं आव्हान आलं. मागच्या सामन्यात भारतीय गोलंदाजी (Ind vs SA 3rd T20) दुबळी ठरली होती. खास करून अर्शदीप आणि मुकेश यांना चांगलाच मार बसला होता. उलट दक्षिण आफ्रिकेचे फलंदाज हेनरिक्स, ब्रिट्झ आणि मार्करम फॉर्मात होते. पण, यावेळी महम्मद सिराजने सुरुवातीच्या षटकात चांगली गोलंदाजी केली. आणि २ षटकांत फक्त ४ धावा दिल्या. मुकेश कुमारने ब्रिट्झ आणि अर्शदीपने क्लासेनला झटपट बाद केलं. तर सलामीवीर हेनरिक्स धावचीत झाला. त्यामुळे दक्षिण आफ्रिकेचे पहिले तीन गडी ४२ धावांतच बाद झाले होते.
पण, यावेळी आफ्रिकेची मधली फळीही कमाल दाखवू शकली नाही. खरंतर कुलदीप आणि जाडेजाच्या फिरकीसमोर ती कमी पडली. त्यामुळे दक्षिण आफ्रिकेचा फलंदाजीत जमच बसला नाही. आणि त्यांचा अख्खा संघ १४ व्या षटकांतच ९५ धावांमध्ये गुंडाळला गेला.
An indeed Happy Birthday 🎂@imkuldeep18 records his first 5 wicket haul in T20Is 👏
Follow the match ▶️ https://t.co/NYt49KwF6j#TeamIndia | #SAvIND pic.twitter.com/ZqMZNbjlQv
— BCCI (@BCCI) December 14, 2023
ही किमया केली ती रवी जाडेजा आणि लेगस्पिनर कुलदीप यादवने. जाडेजाने मार्करमला बाद केल्यानंतर कुलदीपने तळाचे फलंदाज अगदी लिलया जाळ्यात ओढले. त्याच्या गोलंदाजीचं पृथ:करण होतं २.५ षटकं, १७ धावा आणि ५ बळी. टी-२० क्रिकेटमधील त्याची ही सर्वोत्तम कामगिरी आहे. आणि ती ही वाढदिवसाच्या दिवशी केलेली.
भारतीय संघाने या मालिकेत चांगलं पुनरागमन केलं. सलग दोन सामन्यांत अप्रतिम फलंदाजी करणारा सुर्यकुमार सामनावीराबरोबरच मालिकावीरही ठरला. आता १७ तारखेपासून दोन्ही संघा दरम्यान एकदिवसीय मालिका सुरू होईल. भारताच्या एकदिवसीय संघाचं नेतृत्व के एल राहुल करणार आहे.
हेही पहा-
Join Our WhatsApp Community