Lakhbir Singh Landa : भारत सरकारकडून लखबीर सिंह लांडा दहशतवादी म्हणून घोषित

गृह मंत्रालयाने (एमएचए) कॅनडातील गुंड लखबीर सिंह लांडा (Lakhbir Singh Landa) याला दहशतवादी म्हणून घोषित केले आहे. बब्बर खालसा इंटरनॅशनलचा नेता आणि गुंड लखबीर सिंह लांडा याला भारत सरकारने दहशतवादी म्हणून घोषित केले आहे. गृह मंत्रालयाने बेकायदेशीर कारवाया (प्रतिबंध) कायद्यांतर्गत हा निर्णय घेतला आहे. तो पंजाबमधील तरनतारन जिल्ह्यातील रहिवासी आहे. तो सध्या कॅनडातील अल्बर्टा येथील एडमंटन येथे राहतो.

कोण आहे लखबीर सिंह लांडा ?

मिळालेल्या माहितीनुसार, ३३ वर्षीय गुंड खबिर सिंह लांडा (Lakhbir Singh Landa) हा खलिस्तानी गट बब्बर खालसा इंटरनॅशनलचा आहे आणि २०२१ मध्ये मोहाली येथील पंजाब पोलीस गुप्तचर मुख्यालयावर रॉकेट हल्ल्याच्या कटात सहभागी होता. आरपीजीच्या आक्रमणाच्या संदर्भात लांडाचे नाव समोर आले होते. डिसेंबर २०२२ मध्ये, इतर दहशतवादी कारवायांमध्येही त्याचा सहभाग असल्याबद्दल सरहाली पोलिस ठाण्यात गुन्हा दाखल करण्यात आला.

(हेही वाचा – Rudyard Kipling : जंगल बुक मधल्या मोगलीला जन्म देणारे नोबल पारितोषिक विजेते रुडयार्ड किप्लिंग)

आरपीजी हल्ल्याचा सूत्रधार –

गृह मंत्रालयाने जारी केलेल्या अधिसूचनेनुसार, पाकिस्तानातून भारतात तस्करी करून आणल्या जाणाऱ्या शस्त्रे आणि आयईडी उपकरणांच्या हालचालींवर लांडा देखरेख ठेवत होता. तो आरपीजी हल्ल्याचा मास्टरमाइंड (Lakhbir Singh Landa) देखील आहे. त्याचे पाकिस्तानी गुप्तचर यंत्रणांशी संबंध आहेत. तो पंजाबमध्ये तसेच देशाच्या विविध भागात दहशतवादी मॉड्यूल्स तयार करतो. पंजाब पोलिसांनी त्याच्याविरोधात गुन्हा दाखल केला आहे.

Canada-based Babbar Khalsa’s Lakhbir Singh Landa declared a terrorist by Ministry of Home Affairs. pic.twitter.com/iz2eNhpxyt

— ANI (@ANI) December 30, 2023

(हेही वाचा – Railway Megablock : नव वर्षाचे सेलिब्रशन करण्यासाठी बाहेर पडतायं; जाणून घ्या काय आहे रेल्वेचे वेळापत्रक)

१५ लाख रुपयांचे बक्षीस जाहीर –

सप्टेंबरमध्ये राष्ट्रीय तपास संस्थेने कॅनडातील दहशतवादी लखबीर सिंह लांडा (Lakhbir Singh Landa) आणि पाकिस्तानातील हरविंदर सिंह रिंडा यांच्यासह बब्बर खालसा इंटरनॅशनलच्या पाच दहशतवाद्यांची माहिती देणाऱ्यांना रोख बक्षीस जाहीर केले होते. एजन्सीने लांडा आणि रिंडाबद्दल माहिती देणाऱ्याला १० लाख रुपयांचे बक्षीस जाहीर केले होते. याशिवाय परमिंदर सिंह कायरा उर्फ पट्टू, सतनाम सिंग उर्फ सतबीर सिंग आणि यादविंदर सिंग उर्फ बिट्टू यांना ५ – ५ लाख रुपयांचे बक्षीस जाहीर करण्यात आले आहे.

हेही पहा –