CM Eknath Shinde : राम मंदिराच्या उभारणीने सुरु होणारे नववर्ष महाराष्ट्रासाठी सुद्धा उत्साहवर्धक

मुख्यमंत्री एकनाथ शिंदे (CM Eknath Shinde) यांनी नववर्षाच्या शुभेच्छा देतांना राम मंदिराचा आणि राज्याच्या प्रगतीचा उल्लेख केला आहे. मुख्यमंत्री म्हणाले की; “नव्या वर्षाची सुरुवात प्रभू श्री रामचंद्राच्या जयघोषात होत आहे याचा खूप आनंद आहे. प्रधानमंत्री नरेंद्र मोदी यांच्या प्रेरणेतून अयोध्येत भव्य असं राम मंदिर उभारलं जात आहे. करोडो भारतीयांचं स्वप्न पूर्ण होत आहे. नव्या वर्षाची ही सुरुवात निश्चितच खूप उत्साहवर्धक आहे.”

(हेही वाचा – New Year: १ जानेवारी हा दिवस नवीन वर्ष म्हणून का साजरा केला जातो?)

नवीन वर्षात महाराष्ट्राच्या अनेक मोठ्या प्रकल्पांची सुरुवात

आपण सगळे महाराष्ट्राच्या (CM Eknath Shinde) प्रगतीसाठी आपापल्या परीनं प्रयत्न करतोय. आपल्याला माहिती आहे की महायुती सरकारने राज्यात दुर्बल, कष्टकरी, कामगार, शेतकरी, महिला यांना डोळ्यासमोर ठेऊन अनेक निर्णय घेतले आहेत, असे सांगून मुख्यमंत्री (CM Eknath Shinde) म्हणाले की, “एकीकडे उद्योग, पायाभूत सुविधा वाढवतांना सामाजिक न्यायाचे निर्णय घेऊन महाराष्ट्राला देशात एका उंचीवर नेण्याचा प्रयत्न आपण करतो आहोत. महाराष्ट्राकडे गुंतवणूकदार, उद्योगपतींचा ओढा दिवसागणिक वाढतो आहे. नुकतेच आपण परकीय गुंतवणुकीत परत एकदा देशात पहिल्या क्रमांकावर आलो आहोत. नवीन वर्षात महाराष्ट्राच्या अनेक मोठ्या प्रकल्पांची सुरुवात होत आहे. हे प्रकल्प आयकॉनिक असणार आहेत. एमटीएचएल, कोस्टल रोड, मेट्रो, हिंदूह्रदयसम्राट बाळासाहेब ठाकरे महाराष्ट्र (CM Eknath Shinde) समृद्धी महामार्गासारखे प्रकल्प सुरु होतील आणि राज्याची वाटचाल वेगानं १ ट्रीलियन डॉलर अर्थव्यवस्थेकडे होऊ लागेल असा विश्वास मला वाटतो.”

पत्रकारांशी संवाद..

🗓️ 01-01-2024 📍ठाणे https://t.co/dY5RegIrYw

— Eknath Shinde – एकनाथ शिंदे (@mieknathshinde) December 31, 2023

(हेही वाचा – India Alliance : नव्या वर्षात इंडी आघाडी फुटणार ?; काय म्हणाले रवी राणा…)

विकासासाठी नव्या संकल्पना सुचवा – 

मुख्यमंत्री (CM Eknath Shinde) पुढे म्हणाले की, “शिक्षण आणि आरोग्याच्या सुविधा जागतिक दर्जाच्या करणं यासाठी देखील आपण एक मोठं व्हिजन ठेवलं आहे. ही सगळी वाटचाल एकट्याने नाही तर आपल्या सगळ्यांच्या सहभागानं आणि योगदानानं होणार आहे. विकासासाठी आपण नव्या संकल्पना सुचवा, आपले विचार नवा महाराष्ट्र घडविण्यासाठी निश्चितपणे उपयुक्त ठरतील.”

हेही पहा –