माझे कुटुंब माझी जबाबदारी एवढ्यापुरतेच उद्धव ठाकरे मर्यादित आहेत.शिवसेनाप्रमुख बाळासाहेब ठाकरे हे शिवसैनिक आणि सहकाऱ्यांना सवंगड्याप्रमाणे वागवत असत, पण उद्धव ठाकरे त्यांना घरगडी, नोकर समजतात, अशा शब्दांत हल्लाबोल मुख्यमंत्री एकनाथ शिंदे (Eknath Shinde) यांनी उद्धव ठाकरे यांच्यावर केला.
(हेही वाचा Uddhav Thackeray : घरंदाजांनीच घराणेशाहीवर बोलावं; उद्धव ठाकरेंची पंतप्रधान मोदींवर टीका)
काय म्हणाले एकनाथ शिंदे?
माझे कुटुंब माझी जबाबदारी एवढ्यापुरतेच उद्धव ठाकरे मर्यादित आहेत. त्यांनी कल्याण येथे दौरा केला, त्याला काही हरकत नाही. दौरा करायचा लोकशाहीमध्ये सर्वांना अधिकार आहे. आमच्या स्वच्छता दौऱ्यामुळे पक्षातील अनेक वर्षांची घाण देखील साफ केली आहे. उद्धव ठाकरे स्वतःचे घर व्यवस्थित सांभाळू शकले नाहीत. घराणेशाही म्हणजे काय याची व्याख्या काय त्यांनी सांगितली पाहिजे. त्यांनी घरातील सर्वांना बाहेर काढले, असेही मुख्यमंत्री शिंदे (Eknath Shinde) म्हणाले. शिवसेनाप्रमुख बाळासाहेब ठाकरे यांचे अयोध्येत श्रीराम मंदिर उभारण्याचे स्वप्न होते ते स्वप्न मोदीजींनी पूर्ण केले. ‘मंदिर वही बनायेंगे तारीख नही बतायेंगे’ असे म्हणून उद्धव ठाकरे चेष्टा करत होते. मात्र, आज नरेंद्र मोदींनी मंदिर बांधलेही आणि आता त्याचे उद्घाटनही होत आहे, असेही मुख्यमंत्री एकनाथ शिंदे (Eknath Shinde) म्हणाले.
Join Our WhatsApp Community