Bihar : बिहारमध्ये श्री मारुतीच्या मूर्तीची तोडफोड; राज्यात दंगलसदृश्य स्थिती 

कटिहारमधील मनिहारी  (Bihar)  पोलीस ठाण्याच्या परिसरात श्री हनुमानाच्या मूर्तीची तोडफोड करण्याच्या घटना घडल्या. एक घटना मणिहारी पोलीस ठाण्यांतर्गत जगवती गावात घडली, तर दुसरी घटना महियारपूर रेल्वे स्थानकात बसवलेल्या मूर्तीसोबत घडली. दोन्ही ठिकाणी समाजकंटकांनी श्री हनुमानाच्या पुतळ्याची तोडफोड केली. ही घटना मंगळवार, 23 जानेवारी 2024 रोजी रात्री घडली. दुसऱ्या दिवशी जेव्हा लोकांनी श्री हनुमंताच्या मूर्तीची तोडफोड झाल्याचे पाहिले तेव्हा त्यांनी विरोध करण्यास सुरुवात केली. संतप्त जमावाने रेल्वे ट्रॅक आणि महामार्ग रोखून धरले. मूर्ती फोडणाऱ्यांना तत्काळ अटक करण्याची मागणी संतप्त नागरिकांकडून करण्यात येत होती. या घटनेनंतर संतप्त जमावाला शांत करण्यासाठी दोन्ही घटनास्थळी मोठ्या प्रमाणा Bihar पोलीस बंदोबस्त तैनात करण्यात आला होता. पोलिसांनी लोकांना समजवण्याचा प्रयत्न केला. अखेर तासाभराच्या अथक परिश्रमानंतर पोलिसांनी लोकांना शांत करून परत पाठवले. यानंतर गाड्या आणि वाहनांची वाहतूक सुरू झाली. ग्रामस्थांची समजूत काढण्यासाठी परिसरातील एसडीएम यांनी समिती स्थापन केली आहे. हे समिती धार्मिक स्थळांच्या सुरक्षेवर काम करणार आहे. पुतळ्यांची तोडफोड करणाऱ्यांना तीन दिवसांत अटक करण्यात येईल, असे आश्वासनही त्यांनी दिले. या घटनेबाबत पोलिसांनी गुन्हा नोंदवला आहे.

CM Eknath Shinde यांच्या विनंतीला यश; अंगणवाडी सेविकांना संयुक्त राष्ट्र संघ अध्यक्षांच्या हस्ते स्मार्टफोन)