Gyanvapi Masjid : ज्ञानवापी मशीद हिंदूंच्या ताब्यात द्या, भाजप नेते गिरीराज सिंह यांचे मुस्लिमांना आवाहन

वाराणसीच्या ज्ञानवापी मशिदीतील मंदिराचे (Gyanvapi Masjid) अवशेष एएसआयच्या सर्वेक्षणात सापडल्यानंतर, भाजप नेते आणि केंद्रीय मंत्री गिरीराज सिंह यांनी शुक्रवारी (२६ जानेवारी) मुस्लिमांनी ही मशीद हिंदूंच्या ताब्यात द्यावी, असे म्हटले.

(हेही वाचा – Israel-Hamas Conflict : मध्य गाझामध्ये हवाई हल्ल्यात १५ जणांचा मृत्यू, मृतांची एकूण संख्या २६ हजारांच्या पुढे)

काय म्हणाले मंत्री गिरीराज सिंह ?

‘राम मंदिरातील (अयोध्येतील) प्राणप्रतिष्ठा पंतप्रधान नरेंद्र मोदी यांनी केली आहे आणि सनातनींनी त्याचे स्वागत केले आहे. पण आमची मागणी नेहमीच अयोध्या, काशी (Gyanvapi Masjid) आणि मथुरा अशी राहिली आहे “, असे सिंह यांनी पीटीआय वृत्तसंस्थेला सांगितले. जातीय सलोखा राखण्यासाठी ही मशीद हिंदूंच्या ताब्यात द्यायला हवी, असेही ते म्हणाले.

(हेही वाचा – Manoj Jarange Patil : मराठा आंदोलकांविरोधातील राजकीय गुन्हे मागे – मुख्यमंत्र्यांनी दिले आदेश)

तर भारतातील तरुण महाराणा प्रताप होतील –

“मी माझ्या मुस्लिम बांधवांना आवाहन करेन, जेव्हा सर्व पुरावे बाहेर येतील, तेव्हा काशी हिंदूंच्या ताब्यात द्या, जेणेकरून जातीय सलोखा राखला जाईल. स्वातंत्र्यानंतर आम्ही एकही मशीद (Gyanvapi Masjid) फोडली नाही, परंतु पाकिस्तानात एकही मंदिर शिल्लक राहिलेले नाही. पण जर कोणी बाबर होण्याचा प्रयत्न केला तर भारतातील तरुण महाराणा प्रताप होतील, असे सिंग म्हणाले.

‘ज्ञानवापीच्या ठिकाणी मंदिराचे अवशेष सापडले’ –

ज्ञानवापी-काशी विश्वनाथ प्रकरणातील (Gyanvapi Masjid) हिंदू बाजूचे प्रतिनिधित्व करणारे विष्णू शंकर जैन यांनी गुरुवारी (२५ जानेवारी) सांगितले की, एएसआयच्या सर्वेक्षणानुसार ही मशीद आधीपासून अस्तित्वात असलेल्या मंदिराच्या अवशेषांवर बांधली गेली होती. औरंगजेबाने एक भव्य हिंदू मंदिर पाडल्यानंतर १७ व्या शतकात ही मशीद बांधण्यात आली होती, असे त्यांनी सांगितले.

(हेही वाचा – Igatpuri Accident : ट्रकचा ब्रेक फेल झाल्याने अपघात; तीन जखमी)

विष्णू शंकर जैन यांनी दावा केला की सर्वेक्षणादरम्यान हिंदू देवतांच्या पुतळ्यांचे (Gyanvapi Masjid) अवशेष दोन तळघरांमध्ये सापडले. त्यावर ‘महामुक्ति “कोरलेला एक दगडही सापडला आहे. ते पुढे म्हणाले की मशिदीच्या पश्चिमेकडील भिंतीवर एक घंटा आणि एक स्वस्तिक कोरलेले आहे. या पुराव्यांवरून असे सूचित होते की १७ व्या शतकात जेव्हा औरंगजेबाने मंदिर पाडले होते, तेव्हा तेथे एक भव्य मंदिर आधीपासून अस्तित्वात होते.

हेही पहा –