- ऋजुता लुकतुके
अखेर विशाखापट्टणम कसोटीत भारतीय संघाने इंग्लिश संघाचा १०६ धावांनी पराभव करत मालिकेतही १-१ अशी बरोबरी साधली आहे. युवा फलंदाज यशस्वी जयसवाल आणि शुभमन गिल यांची शतकं आणि जसप्रीत बुमराचे सामन्यात ९ बळी यामुळे भारतीय संघासाठी विजय सोपा झाला. दुसऱ्या डावात इंग्लंडचा संघ २९२ धावांमध्ये आटोपला. (Ind vs Eng 2nd Test)
सामन्याच्या चौथ्या दिवशी इंग्लिश संघाला विजयासाठी ३३२ धावांची गरज होती. आणि त्यांचे ९ गडी हातात होते. इंग्लंडची रणनीती आताही बॅझ-बॉल क्रिकेटचीच होती. त्यांनी आक्रमक फलंदाजीची कास सोडली नाही. नाईट-वॉचमन म्हणून आलेल्या रेहान अहमदनेही आपले फटके खेळणं सुरूच ठेवलं होतं. पण, अक्षर पटेलने रेहानला (२३) पायचीतच्या जाळ्यात ओढलं. तर अश्विनच्या गोलंदाजीवर ऑली पोपचा (२३) रोहित शर्माने स्लिपमध्ये अफलातून झेल टिपला. आक्रमक जो रुटही बाद झाल्यावर भारतीय विजयाची शक्यता निर्माण झाली. (Ind vs Eng 2nd Test)
CASTLED! ⚡️⚡️
Jasprit Bumrah wraps things up in Vizag as #TeamIndia win the 2nd Test and level the series 1⃣-1⃣#TeamIndia | #INDvENG | @Jaspritbumrah93 | @IDFCFIRSTBank pic.twitter.com/KHcIvhMGtD
— BCCI (@BCCI) February 5, 2024
पण, त्यानंतरही इंग्लिश संघाने आपले फटके खेळण्यावरच भर दिला. आणि अगदी कर्णधार बेन स्टोक्स (११) बाद झाल्यावरही बेन फोक्स (३६) आणि टॉम हार्टली (३६) यांनीही आठव्या गड्यासाठी ५५ धावांची भागिदारी करत इंग्लंडचं आव्हान कायम ठेवलं होतं. अखेर कर्णधार रोहितने गरज असताना प्रत्येक वेळी जसप्रीत बुमराकडे चेंडू दिला. आणि त्याने एकदाही कर्णधाराला निराश केलं नाही. पहिल्या डावात ६ बळी टिपणाऱ्या बुमराने दुसऱ्या डावातही ४६ धावांत महत्त्वाचे ३ बळी टिपले. (Ind vs Eng 2nd Test)
(हेही वाचा – Ind vs Eng 2nd Test : ‘हे’ दोन भारतीय क्रिकेटपटू जागतिक क्रिकेट गाजवतील, विरेंद्र सेहवागकडून कौतुकाची थाप)
A splendid bowling display on Day 4 powers #TeamIndia to a 106-run win 🙌
Scorecard ▶️ https://t.co/X85JZGt0EV#INDvENG | @IDFCFIRSTBank pic.twitter.com/P9EXiY8lVP
— BCCI (@BCCI) February 5, 2024
इंग्लंडकडून झॅक क्रॉलीने सर्वाधिक ७१ धावा केल्या. तर भारताकडून यशस्वी जयसवालने पहिल्या डालात २०६ धावा केल्या. तर दुसऱ्या डावात शुभमन गिलच्या १०४ धावा निर्णायक ठरल्या. गोलंदाजीत रवीचंद्रन अश्विननेही दुसऱ्या डावात ३ बळी टिपत बुमराला चांगली साथ दिली. भारतीय संघाने संतुलित खेळाचं प्रदर्शन करत ही कसोटी जिंकली आहे. आता तिसरी कसोटी १२ फेब्रुवारीपासून रांचीला सुरू होईल. सामन्यात ९ बळी टिपणाऱ्या जसप्रीत बुमराला कसोटीवीराचा पुरस्कार देण्यात आला. (Ind vs Eng 2nd Test)
हेही पहा –
Join Our WhatsApp Community