Farooq Abdullah यांच्याकडून देखील इंडी आघाडीला धक्का; जम्मू काश्मीर मधून स्वबळावर लढणार

नॅशनल कॉन्फरन्सने आगामी निवडणुकीत स्वबळावर लढण्याचा निर्णय जाहीर केला आहे. त्यांच्या या निर्णयामुळे इंडी आघाडीला आणखी एक धक्का बसला आहे. पक्षाचे नेते फारुख अब्दुल्ला (Farooq Abdullah) यांनी स्पष्टपणे सांगितले की, नॅशनल कॉन्फरन्स इतर राजकीय पक्षांशी युती न करता आपल्या गुणवत्तेनुसार स्वबळावर निवडणूक लढवेल.

(हेही वाचा – Baban Gholap यांचा उद्धव ठाकरेंना ‘जय महाराष्ट्र’)

काय म्हणाले फारुख अब्दुल्ला ?

“जागा वाटपाबाबत मला हे स्पष्ट करायचे आहे की नॅशनल कॉन्फरन्स स्वतःच्या बळावर निवडणूक लढवेल. याबद्दल कुठलंही दुमत नाही. यापुढे यावर प्रश्न उपस्थित केले जाऊ नयेत, असे अब्दुल्ला (Farooq Abdullah) म्हणाले.

(हेही वाचा – Isro : इस्त्रोच्या हवामान उपग्रहाचे १७ फेब्रुवारीला होणार प्रक्षेपण)

जम्मू – काश्मीरचे तीन वेळा मुख्यमंत्री राहिलेले फारुख अब्दुल्ला (Farooq Abdullah) हे इंडी आघाडीचे प्रबळ समर्थक होते आणि विरोधी आघाडीच्या सर्व बैठकांमध्ये सहभागी झाले होते. मात्र त्यांच्या पक्षाने स्वबळावर लढण्याचा निर्णय का घेतला हे त्यांनी अजून स्पष्ट केलेले नाही.

आपल्याला मतभेद विसरून देशाबद्दल विचार करावा लागेल –

गेल्या महिन्यात अब्दुल्ला (Farooq Abdullah) यांनी इंडी आघाडीमध्ये जागा वाटपाच्या व्यवस्थेबाबत एकमत नसल्याने चिंता व्यक्त केली होती. माजी केंद्रीय मंत्री कपिल सिब्बल यांच्या यूट्यूब वाहिनीवर बोलताना अब्दुल्ला यांनी, “जर आपल्याला देश वाचवायचा असेल तर आपल्याला मतभेद विसरून देशाबद्दल विचार करावा लागेल”, असे म्हणत करारावर पोहोचण्याच्या निकडीवर भर दिला.

(हेही वाचा –BMC : पालकमंत्रीच नव्हेतर मुख्यमंत्र्यांच्या शिफारशीने पाच आमदारांना महापालिकेचा निधी)

फारुख अब्दुल्ला यांना नुकतेच ईडीकडून समन्स –

जम्मू आणि काश्मीर क्रिकेट संघटनेतील कथित आर्थिक अनियमिततेच्या संदर्भात अंमलबजावणी संचालनालयाने (ईडी) अब्दुल्ला यांना नुकतेच समन्स बजावले होते. या प्रकरणात असंबंधित पक्षांच्या वैयक्तिक बँक खात्यांमध्ये हस्तांतरण करून आणि संघटनेच्या खात्यांमधून अस्पष्ट रोख रक्कम काढून निधीची कथित हेराफेरी केल्याचा समावेश आहे. (Farooq Abdullah)

हेही पहा –