विधानसभा अध्यक्ष राहुल नार्वेकर यांनी आज म्हणजेच गुरुवार १५ फेब्रुवारी रोजी अजित पवारांच्या (NCP MLA Disqualification) नेतृत्वाखालील गट हा खरा राष्ट्रवादी काँग्रेस पक्ष असल्याचे जाहीर केले. अजित पवारांच्या नेतृत्वाखालील राष्ट्रवादी काँग्रेसचे विधानसभेत ४१ आमदार आहेत. त्यामुळे आमदारांच्या संख्येच्या आधारे अजित पवारांचा गट हा खरा राष्ट्रवादी काँग्रेस पक्ष असल्याचे राहुल नार्वेकर यांनी जाहीर केले. त्याचसोबत दोन्ही गटाच्या आमदारांना त्यांनी पात्र घोषित केले आहे.
(हेही वाचा – Farooq Abdullah यांच्याकडून देखील इंडी आघाडीला धक्का; जम्मू काश्मीर मधून स्वबळावर लढणार)
काय म्हणाले विधानसभा अध्यक्ष ?
“शरद पवार गटाने (NCP MLA Disqualification) असा युक्तिवाद केला होता की या प्रकरणाचा निर्णय विधिमंडळाच्या बहुमताने होऊ शकत नाही. अजित पवारांच्या नेतृत्वाखालील राष्ट्रवादी काँग्रेस पक्षाचे ४१ आमदार आहेत. ते निर्विवाद आहे. मला वाटते की खरा राजकीय पक्ष विधिमंडळ पक्षाच्या बहुमताने परिभाषित केला जाऊ शकतो. अजित पवारांच्या नेतृत्वाखालील राष्ट्रवादी काँग्रेस पक्षाला विधानसभेत बहुमत मिळाले आहे. त्यामुळे अजित पवारांचा गटच खरा राष्ट्रवादी काँग्रेस आहे, असा निर्णय घेण्यात आला.
(हेही वाचा – loksabha Election 2024 : लोकसभेच्या निवडणुकीत किती पैसा खर्च होणार?)
निवडणूक आयोगाकडून देखील अजित पवार गटाला हिरवा कंदील –
विधानसभा अध्यक्षांनी (NCP MLA Disqualification) निर्णय घेण्यापूर्वी निवडणूक आयोगाने ६ फेब्रुवारी रोजी अजित पवार गटाला खरा राष्ट्रवादी पक्ष म्हणून घोषित केले होते. निवडणूक आयोगाने अजित पवार गटाला ‘घड्याळ “हे राष्ट्रवादी काँग्रेसचे चिन्हही दिले होते.
(हेही वाचा – Maratha Reservation : वंचितचा मराठा मतांवर डोळा?)
१९९९ मध्ये राष्ट्रवादीची पायाभरणी –
लोकसभेचे माजी अध्यक्ष पी. संगमा आणि तारिक अन्वर यांच्यासमवेत शरद पवार यांनी १९९९ मध्ये राष्ट्रवादीची पायाभरणी केली होती. आता शरद पवार यांनी अजित पवार गटाला खरा राष्ट्रवादी म्हणून मान्यता देण्याच्या निवडणूक आयोगाच्या निर्णयाला सर्वोच्च न्यायालयात आव्हान दिले आहे. तत्पूर्वी, अजित पवार गटाने वकील अभिकल्प प्रताप सिंग यांच्या माध्यमातून कॅव्हेट दाखल केले होते. (NCP MLA Disqualification)
हेही पहा –
Join Our WhatsApp Community