एनसीबीचे (NCB) माजी मुंबई झोनल डायरेक्टर समीर वानखेडे (Ex.Mumbai Zonal Director Samir Wankhade) यांना अंमलबजावणी संचालनालयाकडून (ED) १ मार्चपर्यंत अटकेपासून दिलासा दिला आहे. वानखेडे यांच्यावर दाखल करण्यात आलेल्या मनी लॉंडरिंग प्रकरणात १ मार्चपर्यंत अटक करणार नाही, असे ईडीने (ED) मुंबई उच्च न्यायालयाला (Mumbai High Court) सांगितले. न्यायालयाने ईडीने दिलेल्या निवेदनाला मान्य करून १ मार्च रोजी तपासाचा अहवाल आणि इसीआयआर (ECIR) न्यायालयात सादर करण्याचे आदेश ईडीला देण्यात आले आहे. न्यायमूर्ती पीडी नाईक आणि एनआर बोरकर यांच्या खंडपिठाने निवेदन स्वीकारले आणि तपासयंत्रणेला १ मार्च रोजी अंमलबजावणी प्रकरण माहिती अहवालाची (ECIR) प्रत सादर करण्यास सांगितले. (Samir Wankhade)
(हेही वाचा – Jammu and Kashmir : पंतप्रधानांनी जम्मू आणि काश्मीरमध्ये केले 32,000 कोटींच्या विकासप्रकल्पांचे उद्‌घाटन)
ऑक्टोबर २०२१ मध्ये कॉर्डेलिया क्रूझ (Cordelia Cruise) ड्रग प्रकरणात अभिनेता शाहरुख खानचा (Boliywood actor Shahrukh Khan) त्याचा मुलगा आर्यन खानला (Aryan Khan) अटक न करण्यासाठी २५ कोटी रुपयांची मागणी केल्याप्रकरणी सीबीआय (CBI)ने अमली पदार्थ नियंत्रण विभाग (NCB)चे माजी मुंबई झोनल डायरेक्टर समीर वानखेडे (Ex.Mumbai Zonal Director Samir Wankhade) यांच्याविरुद्ध गुन्हा दाखल करण्यात आला होता. या आधारावर ईडीने वानखेडेविरुद्ध मनी लाँडरिंगचा गुन्हा दाखल करून या प्रकरणाचा तपास सुरू केला होता.
ईडीने (ED) दाखल मनी लाँडरिंगच्या (money laundering case) ‘इसीआयआर’ला वानखेडे यांनी मुंबई उच्च न्यायालयात आव्हान देणारी याचिका दाखल केलेल्या याचिकेवर न्यायालयात सुनावणी सुरू होती. अंतरिम दिलासा म्हणून वानखेडे यांनी चौकशीला स्थगिती आणि कोणत्याही जबरदस्ती कारवाईपासून संरक्षण देण्याची मागणी याचिकेत केली होती.
१ मार्चपर्यंत दिलासा…
ईडीकडून १५ फेब्रुवारी रोजी न्यायालयाला सांगितले होते की ते २० फेब्रुवारीपर्यंत वानखेडे यांना अटक करणार नाहीत आणि मंगळवारी ईडीने दिलेल्या निवेदनाला मुदतवाढ (Extension) देण्यात आली असून १ मार्चपर्यंत समीर वानखेडे यांच्यावर अटकेची कारवाई करणार नसल्याचे ईडीने मंगळवारी दिलेल्या निवेदनात म्हटले आहे. वानखेडे यांच्यावर अटक किंवा सक्तीची कारवाई न करण्याचे पूर्वीचे विधान याचिका सुनावणीसाठी घेण्यात येई पर्यंत वाढवले जाईल, असे ईडीचे वकील संदेश पाटील यांनी न्यायालयाला सांगितले. खंडपिठाने निवेदन स्वीकारले आणि याचिकेवर १ मार्च रोजी सुनावणी ठेवली आहे.
वानखेडे यांच्याकडून सीबीआयच्या गुन्ह्यात दुसरी याचिका….
वानखेडे यांनी गेल्या वर्षी सीबीआयने (CBI)दाखल केलेल्या खंडणी (Extortion) आणि लाचखोरीच्या (corruption) गुन्ह्याच्या विरोधात दाखल केलेल्या आणखी एका याचिकेवरही न्यायालयाने २७ मार्चपर्यंत स्थगिती दिली. वानखेडे यांनी आपल्या याचिकेत ईडीच्या खटल्यात द्वेष आणि सूडबुद्धीचा आरोप केला होता. गेल्या वर्षी ईसीआयआर दाखल करण्यात आला होता, असा आरोपही त्यांनी केला होता, परंतु गेल्या महिन्यात एनसीबीचे उपमहासंचालक ज्ञानेश्वर सिंह यांच्याविरुद्ध दिल्ली न्यायालयात अनुसूचित जाती आणि अनुसूचित जमाती (अत्याचार प्रतिबंधक) अंतर्गत कारवाई करण्याची मागणी केल्यानंतर त्यांना समन्स बजावण्यात आले.) कायदा त्यांनी पुढे असा आरोप केला की, सिंह आणि सत्तेतील काही शक्तिशाली लोकांनी काही प्रकरणांमध्ये त्यांना अडकविण्यासाठी सीबीआय, ईडी आणि एनसीबी सारख्या सर्व यंत्रणा माझ्या मागे लावली, असा आरोप वानखेडे यांनी केला आहे. (Samir Wankhade)
हेही पहा –
Join Our WhatsApp Community