केंद्रीय गृह मंत्रालयाने (Home Ministry) सीआरपीएफ, बीएसएफ,आयटीबीपी, सीआयएसएफ, एसएसबी आणि आसाम रायफल्समध्ये 23 हजार 958 जवानांच्या राखीव प्रतिनियुक्तीचा आदेश जारी केला. आसाम रायफल्स व्यतिरिक्त, या 5 सशस्त्र पोलीस दलांना दहशतवादविरोधी कारवाया, सीमेचे रक्षण, निवडणुका आयोजित करणे आणि देशभरात कायदा व सुव्यवस्था राखणे यासारख्या विविध अंतर्गत सुरक्षा कर्तव्ये पार पाडण्यासाठी तैनात करण्यात येणार आहे.
(हेही वाचा – IPL 2024 : पहिल्या २ आठवड्याचं वेळापत्रक जाहीर, बंगळुरू वि चेन्नई सामन्याने होणार सुरुवात )
केंद्र सरकारने 5 केंद्रीय सशस्त्र पोलिस दल आणि आसाम रायफल्सच्या विद्यमान मानव संसाधनासाठी सुमारे 24 हजार कर्मचाऱ्यांच्या राखीव प्रतिनियुक्तीला मान्यता दिली आहे. हे कर्मचारी स्पेशल प्रोटेक्शन ग्रुप (एसीजी), नॅशनल सिक्युरिटी गार्ड (एनएसजी), नॅशनल डिझास्टर रिस्पॉन्स फोर्स (एनडीआरएफ), इंटेलिजन्स ब्युरो (आयबी) यासारख्या विविध विशेषीकृत संस्थांचे प्राथमिक मानव संसाधन देखील असतील. या एजन्सी गृह मंत्रालयाच्या (Home Ministry) अंतर्गत काम करतात आणि त्यांच्यावर भारताच्या अंतर्गत सुरक्षेची मोठी जबाबदारी असते. गृह मंत्रालयाने सीएपीएफ आणि आसाम रायफल्समध्ये जवानांच्या प्रतिनियुक्तीला मान्यता देण्याची ही पहिलीच वेळ आहे. यामुळे या दलांचे अधिकारी आणि कर्मचारी प्रतिनियुक्तीवर जाण्यास आणि त्यांचे ज्ञान आणि कौशल्ये पद्धतशीर आणि संस्थात्मक पद्धतीने वाढवण्यास सक्षम आहेत याची खात्री करण्यात मदत होईल. तसेच अशा प्रतिनियुक्तीमुळे दुर्गम भागात आणि कठीण संघर्षग्रस्त भागात कर्तव्य बजावणाऱ्या कर्मचारी आणि अधिकाऱ्यांच्या पदोन्नतीच्या संधी वाढतील.
हेही पहा –
Join Our WhatsApp Community