केंद्रीय मंत्री नितीन गडकरी (Nitin Gadkari) यांच्या मुलाखतीचा काही भाग सोशल मीडियावर पोस्ट करणे काँग्रेस अध्यक्षांना महागात पडले आहे. नितीन गडकरी यांनी काँग्रेस अध्यक्ष मल्लिकार्जुन खर्गे आणि काँग्रेसचे सरचिटणीस जयराम रमेश यांना कायदेशीर नोटीस पाठवली आहे. केंद्रीय मंत्री नितीन गडकरी यांचा खोटा आणि दिशाभूल करणारा व्हिडिओ सोशल मीडियावर शेअर केल्याबद्दल महाराष्ट्र भाजपच्या सोशल मीडिया टीमने काँग्रेसला कायदेशीर नोटीस पाठवली आहे.
राजकीय फायदा मिळवण्यासाठी काँग्रेसने चुकीची माहिती पसरवली आणि जनतेची फसवणूक केल्याचा आरोप महाराष्ट्र भाजपने केला आहे. या गोष्टी कोणत्याही किंमतीत खपवून घेतल्या जाणार नाहीत, असे भाजपने म्हटले आहे.
श्री @nitin_gadkari जी के नाम पर @INCIndia का झूठ। pic.twitter.com/V0q5jqnTLA
— Office Of Nitin Gadkari (@OfficeOfNG) March 1, 2024
काँग्रेसने सोशल मीडियावर 19 सेकंदाचा व्हिडिओ पोस्ट केला आहे. उल्लेखनीय आहे की, काँग्रेसने सोशल मीडिया प्लॅटफॉर्म X वर नितीन गडकरींचा (Nitin Gadkari) एक व्हिडिओ शेअर केला आहे. गडकरींनी ‘द ललनटॉप’ला मुलाखत दिली. या मुलाखतीचा 19 सेकंदांचा व्हिडिओ काँग्रेसच्या सोशल मीडियावर पोस्ट करण्यात आला आहे. या व्हिडिओमध्ये नितीन गडकरी आज गावातील गरीब, मजूर आणि शेतकरी दु:खी असल्याचे सांगताना दिसत आहेत. गावात चांगले रस्ते, पिण्याचे शुद्ध पाणी, चांगली रुग्णालये, चांगल्या शाळा नाहीत याचे दुःख असल्याचे गडकरी सांगताना दिसत आहेत.
Too much truth, Mr Gadkari! #farmersprotests2024 #FarmersProtest2#FarmerLivesMatter #Mumbai pic.twitter.com/QM388bGJbH
— Mumbai Congress (@INCMumbai) March 1, 2024
हा व्हिडीओ सोशल मीडियावर शेअर करताना काँग्रेसने लिहिले आहे की, ‘मोदी सरकारचे मंत्री म्हणतात- आज शेतकऱ्यांना त्यांच्या पिकांचा भाव मिळत नाही. शेतकऱ्यांना MSP ची कायदेशीर हमी देण्याचे आश्वासन काँग्रेसने दिले आहे. मोदी सरकारमध्ये गावे आणि आदिवासी भाग अडचणीत असल्याचे त्यांचे नेते सांगत आहेत.
मुलाखतीचा सोयीचा भाग कापून प्रसिद्ध
‘द ललनटॉप’मधली नितीन गडकरींची पूर्ण मुलाखत पाहिल्यानंतर हे काँग्रेसने शेअर केलेले अर्धवट व्हिडिओ असल्याचे समोर आले. 1 तास 42 मिनिटांच्या या व्हिडिओमध्ये 15 मिनिटांनंतर केंद्रीय मंत्री नितीन गडकरी (Nitin Gadkari) ग्रामीण अर्थव्यवस्थेवर बोलत आहेत. व्हिडिओमध्ये 15.20 ते 15.45 दरम्यान नितीन गडकरींना शेतकऱ्यांशी संबंधित प्रश्न विचारण्यात आले आहेत. या प्रश्नाचे उत्तर गडकरी देत आहेत. दरम्यान, गडकरींवर त्यांच्या वक्तव्याचा विपर्यास केल्याचा आरोप करण्यात आला आहे.
Join Our WhatsApp Community