Election Bonds : निवडणूक रोख्यांच्या आकडेवारीचा तपशील ‘वेळेवर’ जाहीर केला जाईल – मुख्य निवडणूक आयुक्त राजीव कुमार

मुख्य निवडणूक आयुक्त राजीव कुमार (Rajeev Kumar) यांनी बुधवारी (१३ मार्च) सांगितले की, भारतीय निवडणूक आयोगाला (ईसी) निवडणूक रोख्यांची (Election Bonds) माहिती मिळाली आहे आणि निवडणूक आयोग ही माहिती वेळेवर जाहीर करेल. सर्वोच्च न्यायालयाच्या आदेशानुसार, निवडणूक आयोगाला १५ मार्च रोजी संध्याकाळी ५ वाजेपर्यंत बँकेच्या अधिकृत संकेतस्थळावर बँकेने शेअर केलेला तपशील प्रकाशित करावा लागेल.

(हेही वाचा – Kisan Mahapanchayat : दिल्ली पोलिसांची किसान महापंचायतला सशर्त परवानगी)

सर्वोच्च न्यायालयाने स्टेट बँक ऑफ इंडियाला (एसबीआय) १२ मार्चपर्यंत आकडेवारी सादर करण्याचे निर्देश दिले होते.

निवडणूक आयोग निवडणूक रोख्यांची आकडेवारी कधी जाहीर करणार?

जम्मू आणि काश्मीर दौऱ्याच्या शेवटी पत्रकारांशी बोलताना कुमार (Rajeev Kumar) यांनी ठामपणे सांगितले की, सर्वोच्च न्यायालयानं एसबीआयला डेटा देण्यास सांगितलं होतं, त्यांनी (SBI) १२ मार्च रोजी वेळेवर डेटा प्रदान केला. ते म्हणाले की, निवडणूक आयोग नेहमीच पारदर्शकतेच्या बाजूनं राहिला आहे. मी जाऊन डेटा पाहीन आणि योग्य वेळी डेटा प्रकाशित करेन.

(हेही वाचा – Cabinet Decision : मराठी भाषा ज्ञान व रोजगाराची भाषा म्हणून प्रस्थापित करणार – मंत्री दीपक केसरकर)

लोकसभा निवडणुकीचा कार्यक्रम जाहीर होण्यापूर्वी देशभराच्या दौऱ्यांचा समारोप करणाऱ्या मुख्य निवडणूक आयुक्त राजीव कुमार (Rajeev Kumar) यांना सर्वोच्च न्यायालयाच्या निर्देशानुसार निवडणूक आयोग १२ एप्रिल २०१९ पासून मिळवलेल्या निवडणूक रोख्यांची माहिती जाहीर करेल का, असा प्रश्न विचारण्यात आला होता. (Election Bonds)

#WATCH | Jammu, J&K: On review of poll preparedness in the UT of J&K for upcoming Lok Sabha Elections, CEC Rajiv Kumar says, “We are fully committed to conducting elections here in J&K and in the country peacefully and with maximum participation. We are fully prepared for the… pic.twitter.com/fdOgDLYvSm

— ANI (@ANI) March 13, 2024

ते पुढे म्हणाले की, निवडणूक आयुक्तांच्या नियुक्तीबाबत मुख्य निवडणूक आयुक्त राजीव कुमार म्हणाले की, मी ना Appointee आहे आणि ना Appointed. हा या दोन गोष्टींमधला विषय आहे. नियुक्ती वेळेवर व्हायला हवी, पण त्यासाठी मी आवश्यक असलेली वेळ देऊ शकत नाही.

मुख्य निवडणूक आयुक्त राजीव कुमार यांनी केलेलं वक्तव्य आगामी लोकसभा निवडणुकांच्या पार्श्वभूमीवर अत्यंत महत्त्वाचं मानलं जातं आहे. मुख्य निवडणूक आयुक्तांनी वेळेत डेटा प्रकाशित केल्यामुळे लोकसभा निवडणुकीच्या तोंडावर कोणत्या पक्षाला किती निधी मिळाला? हा निधी कोणी दिला? याची माहिती जनतेला मिळण्याची शक्यता असल्याच्या चर्चा सुरू आहेत. (Election Bonds)

(हेही वाचा – Pratibhatai Patil : माजी राष्ट्रपती प्रतिभाताई पाटील रूग्णालयात दाखल; पुण्यातील रुग्णालयात उपचार सुरू)

एसबीआयने निवडणूक रोख्यांचा तपशील सादर केला :

मंगळवारी (१२ मार्च) संध्याकाळी, भारतीय स्टेट बँकेने (एस. बी. आय.) सध्या बंद पडलेले निवडणूक रोखे खरेदी करणाऱ्या संस्थांची नावे आणि त्यांचा वापर करणाऱ्या राजकीय पक्षांची नावे असलेला अहवाल सादर केला. २०१८ मध्ये ही योजना सुरू झाल्यापासून एसबीआयने ३० व्यवहारांवरून एकूण १६, ५१८ कोटी रुपयांचे निवडणूक रोखे जारी केले आहेत.

सर्वोच्च न्यायालयात सादर केलेल्या निवेदनात म्हटले आहे की, राजकीय पक्षांनी १ एप्रिल २०१९ ते १५ फेब्रुवारी २०२४ दरम्यान एकूण २२,२१७ निवडणूक रोखे खरेदी केले, त्यापैकी २२,०३० परत मिळवले गेले आहेत. एस. बी. आय. ने खरेदीची तारीख, खरेदीदाराची नावे आणि रोख्यांच्या मूल्यांसह तपशीलवार माहिती दिली. (Election Bonds)

हेही पहा –