संदेशखाली प्रकरणी कोलकाता उच्च न्यायालयाने गुरुवार, ४ एप्रिल रोजी बंगाल सरकारला फटकारले. ‘या प्रकरणात एक टक्काही सत्य असेल, तर ते लज्जास्पद आहे. याला संपूर्ण प्रशासन आणि सत्ताधारी नैतिकदृष्ट्या 100 टक्के जबाबदार आहेत. हा लोकांच्या सुरक्षेचा प्रश्न आहे. समजा एकही शपथपत्र खरे असेल, तर ते लज्जास्पद आहे. याला संपूर्ण प्रशासन आणि सत्ताधारी 100 टक्के नैतिकदृष्ट्या जबाबदार आहेत. हा लोकांच्या सुरक्षेचा प्रश्न आहे. एससी-एसटी राष्ट्रीय आयोगाचा अहवाल पाहिला, तर त्यात एक टक्काही सत्यता असेल, तर ते 100 टक्के लाजीरवाणे आहे, असे कोलकाता उच्च न्यायालयाने (Calcutta High Court) म्हटले आहे. (Sandeshkhali Calcutta HC)
(हेही वाचा – Swatantra Veer Savarkar Movie : स्वातंत्र्यवीर सावरकर यांच्या जयघोषाने माहिमचे सिटीलाईट सिनेमागृह दुमदुमले)
महिलांवर दीर्घकाळ सामूहिक बलात्कार
मुख्य न्यायमूर्ती टीएस शिवग्ननम आणि न्यायमूर्ती हिरणमय भट्टाचार्य यांच्या खंडपिठाने संदेशखालीचा मुख्य आरोपी शाहजहानच्या विरोधात 5 जनहित याचिकांवर सुनावणी केली. पश्चिम बंगालमधील संदेशखली येथे महिलांचा लैंगिक छळ आणि जमीन बळकावल्याचा आरोप असलेला टीएमसी नेता शेख शाहजहान याला बंगाल पोलिसांनी 29 फेब्रुवारी रोजी अटक केली होती. त्यानंतर पोलिसांनी त्याला सीबीआयच्या ताब्यात दिले.
संदेशखालीमध्ये शेख शाहजहान (Shah Jahan Sheikh) आणि त्याचे दोन सहकारी शिबू हाजरा आणि उत्तम सरदार यांच्यावर महिलांवर दीर्घकाळ सामूहिक बलात्कार केल्याचा आरोप आहे. या प्रकरणी पोलिसांनी शिबू हाजरा, उत्तम सरदार, शाहजहान यांच्यासह 18 जणांना अटक केली आहे. शाहजहान शेख हा तृणमूल काँग्रेसचा (Trinamool Congress) नेता आहे. रेशन घोटाळ्याप्रकरणी ईडीने 5 जानेवारीला त्याच्या घरावर छापा टाकला होता. त्यानंतर त्याच्या 200 हून अधिक समर्थकांनी संघावर हल्ला केला. अधिकाऱ्यांना जीव वाचवण्यासाठी पळ काढावा लागला. तेव्हापासून शहाजहान फरार होता.
‘या प्रकरणातील साक्षीदारांना सुरक्षा पुरवण्यात यावी. सुरक्षेच्या कारणास्तव एकही महिला न्यायालयात साक्ष देण्यासाठी पुढे आली नाही, असे अन्य एका जनहित याचिकाकर्त्याच्या वकिलांनी सांगितले. त्यावर सुनावणी चालू होती.
निवेदन दिल्यास पती आणि मुलांचा शिरच्छेद करून फुटबॉल खेळू
या वेळी दुसऱ्या याचिकाकर्त्याच्या वकील प्रियंका टिब्रेवाल म्हणाल्या, “बहुतेक महिला निरक्षर आहेत. ई-मेल विसरा, त्यांना पत्रही लिहिता येत नाही. 500 हून अधिक महिलांनी आमच्याकडे लैंगिक अत्याचाराच्या तक्रारी केल्या आहेत. आमच्याकडे प्रतिज्ञापत्रे आहेत ज्यात म्हटले आहे की, फक्त एक शाहजहानला अटक करण्यात आली आहे. त्याचे 1000 साथीदार गावात फिरत आहेत आणि त्यांना शहाजहानच्या विरोधात वक्तव्य न करण्याची धमकी देत आहेत. महिलांनी निवेदन दिल्यास पती आणि मुलांचा शिरच्छेद करून फुटबॉल खेळू, असे हे लोक सांगत आहेत.
संदेशखाली येथील अत्याचाराच्या घटना 4 वर्षांपूर्वी पोलिसांना कळविल्याबद्दल न्यायालयाने आश्चर्य व्यक्त केले. लैंगिक छळासह 42 प्रकरणे आहेत, परंतु आरोपपत्र दाखल करण्यासाठी चार वर्षे लागली. (Sandeshkhali Calcutta HC)
हेही पहा –
Join Our WhatsApp Community