World Hemophilia Day : काय आहे जागतिक हिमोफिलिया दिवस?

हिमोफिलिया (Hemophilia) हा एक अनुवांशिक आजार आहे. म्हणजेच हा आजार पालकांकडून मुलांकडे जाऊ शकतो. साधारणपणे हा आजार पुरुषांमध्ये जास्त होतो. गुणसूत्र हे या रोगाचे वाहक आहेत. यामध्ये रक्ताच्या गुठळ्या निर्माण होऊ शकत नाही, ज्यामुळे रक्तस्त्राव होतो. हिमोफिलियाने ग्रस्त रुग्णांना रक्तातील प्रथिनांच्या कमतरतेचा त्रास होतो, ज्याला क्लॉटिंग फॅक्टर देखील म्हणतात. (World Hemophilia Day)

दुखापतीच्या ठिकाणी रक्तस्त्राव थांबवण्यासाठी हे प्रथिन प्लेटलेट्ससोबत काम करते. म्हणजेच दुखापतीनंतर त्या व्यक्तीला बराच काळ रक्तस्त्राव होतो आणि त्याला अंतर्गत रक्तस्त्राव होण्याचा धोकाही जास्त असतो. जर रक्तस्त्राव जास्त असेल तर ते प्राणघातक ठरू शकते. ब्रिटनची राणी व्हिक्टोरियाचे वंशज एकापाठोपाठ एक या आजाराला बळी पडू लागले तेव्हा हिमोफिलिया या ‘रॉयल डिसीज’ नावाच्या आजाराचा शोध लागला. राजघराण्यातील अनेक सदस्य हिमोफिलियाने (Hemophilia) ग्रस्त असल्यामुळे याला “शाही रोग/रॉयल डिसीज” म्हटले गेले. सध्या जगभरात ५० हजारांहून अधिक लोक या आजाराने ग्रस्त आहेत. (World Hemophilia Day)

(हेही वाचा – AC Sarkar : ब्रह्मगिरीवर उभारला समांतर सरकारचा स्तंभ; नक्षलवाद्यांशी संबंध ?)

यासाठी “जागतिक हिमोफिलिया दिन” साजरा केला जातो 

जगभरात हिमोफिलियाबद्दल (Hemophilia) जागरूकता पसरवण्यासाठी १९८९ मध्ये “जागतिक हिमोफिलिया दिन” साजरा करण्यास सुरुवात झाली. तेव्हापासून, “जागतिक हिमोफिलिया दिन” दरवर्षी १७ एप्रिल रोजी पाळला जातो. जागतिक हिमोफिलिया (WFH) चे संस्थापक, फ्रँक कॅनेबल यांचा वाढदिवस १७ एप्रिल रोजी असतो. म्हणूनच हा दिवस पाळला जातो. (World Hemophilia Day)

या आजाराची मुख्य समस्या ही आहे की हिमोफिलियाने (Hemophilia) ग्रस्त असलेल्या लोकांना योग्य उपचार मिळत नाहीत किंवा काही वेळा अजिबात उपचार मिळत नाहीत. म्हणूनच या अनुवांशिक विकाराबद्दल जागरूकता निर्माण करण्यासाठी दरवर्षी १७ एप्रिल रोजी जागतिक हिमोफिलिया दिवस जगभरात पाळला जातो. हिमोफिलिया या आजाराविषयी सर्वसामान्यांना माहिती देण्यासाठी अनेक लोक जनजागृती मोहीम राबवतात आणि अनेक उपक्रम करतात. विविध आरोग्य संस्थांचे कर्मचारीही या कार्यक्रमात सहभागी होतात. (World Hemophilia Day)

हेही पहा –