मुंबईमधील महायुतीच्या सहाही लोकसभेच्या जागेवर आमचा विजय निश्चित आहे. लोकांनी ही निवडणूक हाती घेतली आहे. माझ्या पेक्षाही जास्त अनुभव मुंबईतील पदाधिकाऱ्यांचा आहे. त्यामुळे आजच्या बैठकीत निवडणुकीच्या अनुषंगाने काय तयारी करता येईल, यावर सविस्तर चर्चा झालेली आहे. आम्हाला विश्वास आहे की, यामिनी जाधव, राहुल शेवाळे व रवींद्र वायकर हे शिवसेनेचे तिन्ही उमेदवार बहुमताने विजयी होतील. तसेच मुंबईतील अन्य तीन जागांवर भाजपाचे उमेदवार आहेत, त्यांचा देखील विजय या ठिकाणी निश्चित होणार आहे. त्यामुळे विरोधकांचा आम्ही क्लिन स्वीप करण्याचा निर्धार केलेला आहे. एवढेच नाही तर ठाणे, कल्याण-डोंबिवलीची जागा देखील आम्ही जिंकणार आहोत, असाही विश्वास शिंदे (CM Eknath Shinde) यांनी व्यक्त केला.
(हेही वाचा Uddhav Thackeray : उद्धव ठाकरेंनी संभाजीराजे छत्रपती यांचा अपमान केला; उदय सामंत यांचा आरोप)
मुंबईत विकासाचे कामे
आपण मुख्यमंत्री पदाचा पदभार स्वीकारल्यापासून मुंबईतील अनेक वर्षांचे रखडलेली कामे मार्गी लावले आहेत. गेल्या पंधरा ते वीस वर्षांपासून या ठिकाणी कामे रखडली होती. ती कामे मी मार्गी लावली आहेत. मुंबईत डीप क्लिन ड्राईव्ह होत आहे. येथील रखडलेले प्रकल्प मार्गी लावले आहेत. पंतप्रधान नरेंद्र मोदी यांच्या मुंबईत सभा व्हाव्या, अशी विनंती आम्ही त्यांना करणार आहोत. मोदीजींचे देखील मुंबईवर विशेष प्रेम आहे, त्यामुळे त्यांच्या भव्य सभा या ठिकाणी होतील, असा विश्वास देखील आम्हाला आहे, असे एकनाथ शिंदे (CM Eknath Shinde) म्हणाले.
Join Our WhatsApp Community