Lok Sabha Election 2024 : राहुल गांधी अमेठीतून नव्हे तर रायबरेलीतून लढणार 

काँग्रेसच्या पारंपरिक अमेठी आणि रायबरेलीमधून गांधी कुटुंबातील कोणता नेता कुठून लढणार? या प्रश्नाचं उत्तर मिळालं आहे. राहुल गांधी (Rahul Gandhi) यांनी स्मृती इराणी यांचा सामना करण्याऐवजी रायबरेलीमधून लढण्याचा निर्णय घेतला आहे. तर के एल शर्मा (KL Sharma) अमेठीतून उमेदवार असतील. (Lok Sabha Election 2024)

 लोकसभा निवडणुकीत रायबरेली आणि अमेठीमधून काँग्रेसचा उमेदवार कोण असेल? यावर सस्पेन्स संपला आहे. उमेदवारी अर्ज भरण्याच्या शेवटच्या दिवशी शुक्रवारी काँग्रेसने दोन उमेदवाराची यादी  जाहीर केली आहे. यात काँग्रेस नेते राहुल गांधी रायबरेलीतून लोकसभा निवडणूक लढवणार आहेत, तर पक्षाने गांधी कुटुंबाच्या निकटवर्तीय के एल शर्मा यांना अमेठीतून उमेदवारी दिली आहे. राहुल गांधी आजच उमेदवारी अर्ज दाखल करणार आहेत. त्यासंदर्भात काँग्रेस कार्यालयात तयारी सुरू झाली आहे.  (Lok Sabha Election 2024)

राहुल गांधी (Rahul Gandhi) काँग्रेसचेच नव्हे तर विरोधी पक्षांच्या इंडी आघाडीचे सर्वात मोठे नेते आहेत. काँग्रेस विरोधी पक्षातील सर्वात मोठा आणि देशभर अस्तित्व असलेला पक्ष आहे. मल्लिकार्जुन खर्गे (Mallikarjun Kharge) अध्यक्ष असले तरी राहुल गांधी हेच खरे हायकामांड आहेत. (Lok Sabha Election 2024)

राहुल गांधी (Rahul Gandhi) यांनी दोन मोठ्या पदयात्रा काढल्या आहेत. तरीसुद्धा, राहुल गांधी यांची त्यांच्याच मतदार संघात पूर्ण पकड नाही हे यातून दिसून येते. आपण एका जागेवरून लढलो आणि पराभूत झालो तर लोकसभेत जाण्याचा मार्ग पूर्ण पणे बंद होईल ही भीती त्यांच्या मनात आहे. यामुळे, राहुल गांधी यांनी वायनाड या सुरक्षित जागेसह दुसऱ्या जागेवरूनही लढण्याचा निर्णय घ्यावा लागला आहे. (Lok Sabha Election 2024)

राहुल गांधी यांनी अमेठी ऐवजी रायबरेलीमधून निवडणूक लढण्याचा निर्णय का घेतला? याची चर्चा दिल्लीत खूप रंगली आहे. मुळात, महिला व बालकल्याण मंत्री स्मृती इराणी यांच्यापुढे राहुल गांधी यांचा निभाव लागणार नाही, असे काँग्रेसला वाटत होते. म्हणूनच राहुल गांधी यांना रायबरेलीतून उतरविण्यात आले आहे. (Lok Sabha Election 2024)

केएल शर्मा (K L Sharma) हे मूळचे लुधियानाचे रहिवासी असून ते दीर्घकाळापासून गांधी कुटुंबाच्या जवळ आहेत. अमेठी आणि रायबरेलीमध्ये ते निवडणुकीची रणनीती बनवण्याचे आणि अंमलात आणण्याचे काम करत आहेत. आतापर्यंत ते रायबरेलीची जबाबदारी पूर्णपणे सांभाळत होते. अमेठीतील गेल्या दोन निवडणुकांमध्ये भोपाळचे रहिवासी राहुल यांच्या जवळचे नेते चंद्रकांत दुबे यांच्याऐवजी त्यांच्या नेतृत्वाची धुरा सांभाळत आहेत. मात्र, यावेळी तो दिसत नाही. सोनियांसाठी किशोरी लाल ही चाणक्यची भूमिका साकारत असल्याचे मानले जाते. (Lok Sabha Election 2024)

काँग्रेसच्या माजी अध्यक्षा सोनिया गांधी (Sonia Gandhi) 1999 च्या लोकसभा निवडणुकीपर्यंत अमेठी मतदारसंघातून निवडणूक लढवत होत्या. यानंतर, 2004 मध्ये त्यांनी मुलगा राहुल गांधी यांच्यासाठी ही जागा सोडली आणि रायबरेलीला गेल्या. 2004 आणि 2009 च्या लोकसभा निवडणुकीत राहुल यांनी अमेठीमधून सहज विजय मिळवला होता. 2014 मध्ये स्मृती इराणींनी राहुलला नक्कीच टक्कर दिली, पण त्यांना हरवता आले नाही. मात्र, 2019 मध्ये अमेठीशिवाय राहुल यांनी वायनाडमधूनही निवडणूक लढवली होती. अमेठीमध्ये त्यांना स्मृती इराणींच्या हातून पराभव स्वीकारावा लागला होता, पण वायनाडमधून विजय मिळवून राहुल गांधी लोकसभेत पोहोचले. (Lok Sabha Election 2024)

दरम्यान, काँग्रेसने यंदा सोनिया गांधींना (Sonia Gandhi) राज्यसभेवर पाठवण्याचा निर्णय घेतला आणि राहुल यांना त्यांच्या पारंपारिक मतदारसंघ रायबरेलीमधून उमेदवारी दिली. (Lok Sabha Election 2024)

राहुल गांधी केरळमधील वायनाड लोकसभा मतदारसंघातूनही निवडणूक लढवत आहेत. गेल्या वेळी ते वायनाडमधूनच जिंकले होते. वायनाडमध्ये मतदान झाले आहे. अमेठी आणि रायबरेलीमध्ये २० मे रोजी मतदान आहे. (Lok Sabha Election 2024)

राहुल आणि शर्मा शुक्रवारी उमेदवारी अर्ज दाखल करणार आहेत. या दोन्ही जागांवर सात टप्प्यातील लोकसभा निवडणुकीच्या पाचव्या टप्प्यांतर्गत २० मे रोजी मतदान होणार असून त्यासाठी उमेदवारी अर्ज दाखल करण्याचा शुक्रवार म्हणजेच आज शेवटचा दिवस आहे. (Lok Sabha Election 2024)

भाजपाने (BJP) त्यांना अमेठी-रायबरेलीमधून उमेदवारी दिली भारतीय जनता पक्षाने पुन्हा एकदा केंद्रीय मंत्री स्मृती इराणी यांना अमेठीतून उमेदवार म्हणून घोषित केले आहे. स्मृती यांनी 29 एप्रिल रोजी उमेदवारी अर्जही दाखल केला होता. त्याचवेळी भाजपाने रायबरेलीमधून दिनेश प्रताप सिंह यांना तिकीट दिले आहे. (Lok Sabha Election 2024)