Lok Sabha Elections 2024 च्या तिसऱ्या टप्प्यात किती उमेदवार आहेत निरक्षर?

संसदेत जाऊन देशाचे कायदे तयार करणारी खासदार मंडळी म्हणजे अशिक्षित किंवा कमी शिकलेले अशाप्रकारचा गैरसमज पूर्वी होता. परंतु, हा समज पूर्णपणे चुकीचा असून संसदेत आता पदवीधरपासून ते उच्चशिक्षित नेते आपआपल्या मतदारसंघाचे प्रतिनिधित्व करीत आहेत. लोकसभा निवडणुकीच्या तिसऱ्या टप्प्यात ९५ जागांसाठी होणाऱ्या निवडणुकीसाठी एकूण १३५२ उमेदवार मैदानात आहेत. यातील ६३९ उमेदवारांचे शिक्षण पाचवी ते १२ पर्यंत झाले आहे. मात्र, उर्वरित ५९१ उमेदवार पदवीधर किंवा उच्च शिक्षित आहेत. (Lok Sabha Elections 2024)

लोकसभा निवडणुकीच्या (Lok Sabha Elections) तिसऱ्या टप्प्यात निवडणूक लढवणाऱ्या १३५२ उमेदवारांनी दिलेल्या शपथपत्रांवरून त्यांच्या सामाजिक आणि शैक्षणिक पार्श्वभूमीबद्दल अनेक महत्त्वाची माहिती समोर आली आहे. इलेक्शन वॉच/असोसिएशन फॉर डेमोक्रॅटिक रिफॉर्म्स (ADR) च्या अहवालानुसार, १३५२ उमेदवारांपैकी ६३९ (४७%) उमेदवारांनी त्यांची शैक्षणिक पात्रता ५वी ते १२वी दरम्यान असल्याचे घोषित केले आहे. या उमेदवारांपैकी ५९१ (४४%) उमेदवारांनी पदवी किंवा त्याहून अधिक शिक्षण घेतले आहे. ४४ उमेदवार डिप्लोमाधारक आहेत. ५६ उमेदवार केवळ साक्षर आहेत तर १९ उमेदवार निरक्षर आहेत. (Lok Sabha Elections 2024)

निवडणूक लढविणाऱ्या उमेदवारांच्या वयाच्या प्रोफाइलमध्येही बदल दिसून येत आहे. निवडणुकीच्या तिसऱ्या टप्प्यात लढणाऱ्या उमेदवारांपैकी जवळपास एक तृतीयांश उमेदवार हे ४० वर्षांपेक्षा कमी वयाचे आहेत. यापैकी ४११ (३०%) उमेदवारांनी त्यांचे वय २५ ते ४० वर्षे दरम्यान घोषित केले आहे. ७१२ (५३%) उमेदवारांनी त्यांचे वय ४१ ते ६० वर्षे दरम्यान घोषित केले आहे. २२८ (१७%) उमेदवार आहेत ज्यांनी त्यांचे वय ६१ ते ८० वर्षे दरम्यान घोषित केले आहे. एका उमेदवाराने आपले वय ८४ वर्षे सांगितले आहे. (Lok Sabha Elections 2024)

(हेही वाचा – Nitin Gadkari: जनतेच्या भविष्याचे स्वप्न पूर्ण करण्याची ताकद नरेंद्र मोदी सरकारमध्येच: नितीन गडकरी)

देशात अजूनही निरक्षर लोक ही चिंतेची बाब

मात्र, या टप्प्यात फक्त ९ टक्के महिला उमेदवार आहेत. १७ व्या लोकसभेत १५% महिला खासदार होत्या. जर आपण सर्व विधानसभांवर नजर टाकली तर महिला आमदार ९% आहेत. निवडणूक आयोग आणि राजकीय पक्ष “महिला मतदारांना मतदारांकडून प्रोत्साहन दिले जाते पण राजकीय पक्ष त्यांना निवडणुकीत फारसे तिकीट देत नाहीत, ही वस्तुस्थिती असल्याचे यावरून दिसून येते. शिक्षित उमेदवार निवडणुकीच्या मैदानात येणे ही एक चांगली बाब आहे. हा बदल आनंददायी असला तरी देशात अजूनही निरक्षर लोक आहेत ही नक्कीच चिंतेची बाब आहे. महिलांचा सहभाग वाढला असता आणि विद्यापीठांची भूमिकाही अधिक वाढली असती तर बरे झाले असते. (Lok Sabha Elections 2024)

हरियाणातील लोकसभा निवडणुकीत भाजपा, काँग्रेस, आयएनएलडी आणि जेजेपीने मोठ्या संख्येने सुशिक्षित नेत्यांना तिकीट दिले आहे. चार प्रमुख पक्षांच्या ३६ उमेदवारांमध्ये एक डॉक्टर, दोन एमबीए, एक बीबीए, दोन अभियंते, सात कायदा पदवीधारक, दोन पीएचडी, एक डि-लिट, एक एमफिल, दोन मास्टर्स आणि १२ पदवीधारकांचा समावेश आहे. काही उमेदवारांनी परदेशातून शिक्षण घेतले आहे. गुरुग्राममधील जेजेपीचे उमेदवार राहुल फाजिलपुरिया दहावीत नापास झाले आहेत. मात्र, लोकांना कोणता उमेदवार योग्य वाटतो हा निर्णय त्यांनी घ्यायचा आहे. (Lok Sabha Elections 2024)

(हेही वाचा – IPL 2024, Mumbai Indians : मुंबई इंडियन्सच्या पराभवाला जबाबदार कोण?) 

हे आहेत उच्चशिक्षित उमेदवार

करनाल लोकसभा मतदारसंघातील भाजपाचे उमेदवार मनोहर लाल हे पदवीधर आहेत. त्यांनी १९७२ मध्ये स्कूल ऑफ ओपन लर्निंग, दिल्ली येथे पदवीचे शिक्षण या घेतले. त्यांच्यासमोर काँग्रेसचे उमेदवार दिव्यांशु बुधीराजा हेही इलेक्ट्रॉनिक्सचे आता पदवीधर आहेत. गुरुग्राममधील भाजपा उमेदवार राव इंद्रजीत यांनी दिल्ली विद्यापीठाच्या हिंदू कॉलेजमधून बीएचे शिक्षण घेतल्यानंतर एलएलबीची पदवी प्राप्त केली. फरीदाबादमधील भाजपाचे उमेदवार कृष्णपाल गुर्जर यांनी जवाहरलाल नेहरू महाविद्यालयातून पदवी आणि नंतर मेरठ विद्यापीठातून कायद्याची पदवी पूर्ण केली. फरिदाबादमधील जेजेपी उमेदवार नलिन हुड्डा यांनी बीबीएचे शिक्षण घेतले आहे. तर काँग्रेसचे महेंद्र प्रताप हे १२वी पास आहेत. त्यांनी गुरुग्रामच्या एसडी कॉलेजमधून बीए द्वितीय वर्षांपर्यंत शिक्षण घेतले आहे. (Lok Sabha Elections 2024)

रोहतक या राज्यातील सर्वाधिक लोकप्रिय जागा असलेल्या भाजपाचे उमेदवार डॉ. अरविंद शर्मा हे मास्टर ऑफ डेंटल सर्जन आहेत. गुजरातच्या अहमदाबाद विद्यापीठातून त्यांनी ही पदवी मिळवली आहे. ते एक कुशल दंत शल्यचिकित्सक बनून राजकारणी आहे. काँग्रेसचे उमेदवार दीपेंद्र हुड्डा यांनी १९९९ मध्ये भिवानी येथील टेक्नॉलॉल इन्स्टिट्यूट ऑफ टेक्सटाईल अँड सायन्समधून बी. टेक पदवी प्राप्त केली होती. त्यानंतर एमबीए करण्यासाठी ते अमेरिकेला गेले. त्यांच्याकडे एमबीएसह एलएलबीची पदवीही आहे. सिरसा राखीव जागेवरील भाजपाचे उमेदवार अशोक तंवर यांनी जेएनयू मधून शिक्षण घेतले आहे. तसेच काकतिया विद्यापीठ, वारंगल, तामिळनाडू येथून पदवी संपादन केली आहे. आणि नंतर दिल्लीतील जवाहरलाल नेहरू विद्यापीठातून पोस्ट ग्रॅज्युएशन आणि पीएचडी केली आहे. (Lok Sabha Elections 2024)

हेही पहा –