सॅम पित्रोदा (Sam Pitroda) यांनी इंडियन ओव्हरसीज काँग्रेसच्या अध्यक्षपदावरून पायउतार होण्याचा निर्णय घेतला असून हा निर्णय काँग्रेसचे अध्यक्ष मल्लिकार्जुन खरगे यांनी स्वीकारला आहे. पक्षाचे सरचिटणीस जयराम रमेश यांनी हा निर्णय आपल्या मर्जीने घेतल्याचे जाहीर केले. देशाच्या विविध भागांतील भारतीय कसे दिसतात यावरील त्यांच्या वर्णद्वेषी टिप्पणीनंतर हा निर्णय घेण्यात आला असून सध्या सुरू असलेल्या लोकसभा निवडणुकीच्या दरम्यान एक मोठा राजकीय वाद निर्माण झाला आहे. पंतप्रधान नरेंद्र मोदी यांनी त्यांच्या विधानाबद्दल काँग्रेसवर जोरदार टीका केली आहे.
आता अमेरिकेत असलेले सॅम पित्रोदा (Sam Pitroda) राजीव गांधी पंतप्रधान असताना त्यांचे सल्लागार होते. 2004 च्या निवडणुकीत यूपीएच्या विजयानंतर, सॅम पित्रोदा यांना तत्कालीन पंतप्रधान मनमोहन सिंग यांनी भारताच्या राष्ट्रीय ज्ञान आयोगाचे प्रमुख बनवले होते. 2009 मध्ये ते मनमोहन सिंग यांचे सार्वजनिक माहिती पायाभूत सुविधांबाबत सल्लागार बनले होते. सॅम पित्रोदा यांच्यासाठी वाद नवीन नाहीत, पण यावेळी त्यांच्यामुळे निर्माण होणारे वाद कोणत्याही डॅमेज कंट्रोलच्या पलीकडे गेले कारण सध्या देशात लोकसभा निवडणूक सुरु आहे.
काय म्हणाले होते सॅम पित्रोदा?
सॅम पित्रोदा (Sam Pitroda) म्हणाले होते की, आम्ही 75 वर्षे अतिशय आनंदी वातावरणात राहिलो. लोक इकडचे तिकडचे वाद बाजूला ठेवून एकत्र राहिले. भारतासारख्या विविधतेने नटलेला देश आपण एकत्र ठेवू शकतो. जेथे पूर्वेकडील लोक चिनी, पश्चिमेकडील अरबी, उत्तरेचे गोरे आणि दक्षिणेकडील आफ्रिकन लोकांसारखे दिसतात. इथे आपण सगळे भाऊ-बहिणी आहोत. आम्ही सर्व वेगवेगळ्या भाषा, धर्म, चालीरीती आणि खाद्यपदार्थांचा आदर करतो. माझा विश्वास असलेला हा भारत आहे, जिथे प्रत्येकासाठी जागा आहे. इथे प्रत्येकजण एकमेकांसाठी थोडी तडजोड करतो.
Join Our WhatsApp Community