देशात डिजिटल अटक आणि ब्लॅकमेलच्या वेगाने वाढणाऱ्या घटनांविरोधात सरकारने मोठी कारवाई केली आहे. सरकारने एक हजार स्काईप आयडी (Skype ID) ब्लॉक केले आहेत. तसेच अशा घोटाळ्यात गुंतलेली हजारो सिमकार्डही ब्लॉक करण्यात आली आहेत. सरकारने यासाठी मायक्रोसॉफ्टसोबत (Microsoft) भागीदारी केली असून भारतीय सायबर क्राइम कोऑर्डिनेशन सेंटरने ही कारवाई केली आहे.
(हेही वाचा – पश्चिम बंगालमध्ये रोहिंग्या आणि बांगलादेशी ही ममता बॅनर्जींची व्होट बँक; Amit Shah यांचा घणाघात)
तपासासाठी इनपुट आणि तांत्रिक सहाय्य
भारतीय सायबर क्राइम कोऑर्डिनेशन सेंटर (I4 सी), गृह मंत्रालयाच्या अंतर्गत, देशातील सायबर गुन्ह्यांचा सामना करण्यासाठी संबंधित क्रियाकलापांचे समन्वय साधते. या फसवणुकीचा मुकाबला करण्यासाठी गृहमंत्रालय इतर मंत्रालये आणि त्यांच्या एजन्सी, आरबीआय आणि इतर संस्थांसोबत जवळून काम करत आहे. I4सी राज्ये/केंद्रशासित प्रदेशांच्या पोलिस अधिकाऱ्यांना प्रकरणांची ओळख आणि तपासासाठी इनपुट आणि तांत्रिक सहाय्य देखील देत आहे.
मायक्रोसॉफ्टच्या मदतीने I4सी ने ब्लॅकमेलिंग आणि डिजिटल अटक यांसारख्या क्रियाकलापांमध्ये गुंतलेले एक हजारांहून अधिक स्काईप आयडी ब्लॉक केले आहेत. स्काईप हे मायक्रो सॉफ्टचे एक व्हिडिओ कॉलिंग ऍप आहे. याशिवाय अशा फसवणूक करणाऱ्यांनी वापरलेले सिमकार्ड, मोबाईल आणि सोशल मीडिया खातीही ब्लॉक करण्यात आली आहेत. स्काईपवर ही कारवाई करण्यात आली आहे कारण आतापर्यंत समोर आलेल्या डिजिटल अटकेच्या सर्व प्रकरणांमध्ये स्काईपचा वापर करण्यात आला आहे.
(हेही वाचा – पश्चिम बंगालमध्ये रोहिंग्या आणि बांगलादेशी ही ममता बॅनर्जींची व्होट बँक; Amit Shah यांचा घणाघात)
व्हिडिओ कॉलिंगद्वारे नजर
डिजिटल अटक ही ब्लॅकमेलिंगची प्रगत पद्धत आहे. डिजिटल अटक घोटाळ्याचे बळी ते लोक आहेत, जे अधिक शिक्षित आणि हुशार आहेत. डिजिटल अटक म्हणजे कोणीतरी तुम्हाला ऑनलाइन धमकावत आहे आणि व्हिडिओ कॉलिंगद्वारे तुमच्यावर नजर ठेवत आहे. डिजिटल अटकेदरम्यान, सायबर ठग लोकांना धमकावण्यासाठी आणि त्यांना आपला बळी बनवण्यासाठी बनावट पोलीस अधिकारी असल्याचे भासवतात. अनेक वेळा, डिजिटल अटक फसवणूक करणारे लोकांना पोलिस किंवा आयकर विभागाचे अधिकारी असल्याची बतावणी करून बोलतात. तुमचा पॅन आणि आधार वापरून अनेक वस्तू खरेदी केल्या गेल्या किंवा मनी लाँड्रिंग (Money laundering) करण्यात आल्याचे सांगतात. यानंतर त्यांनी व्हिडिओ कॉल करून समोर बसण्यास सांगितले जाते. या काळात कोणाशीही बोलणे, मेसेज करणे किंवा भेटणे याला परवानगी नसते. या वेळी जामिनाच्या नावाखाली लोकांकडून पैसेही मागितले जातात. अशाप्रकारे लोक त्यांच्याच घरात ऑनलाइन कैद राहतात. (Skype ID)
हेही पहा –
Join Our WhatsApp Community