संयुक्त राष्ट्र शैक्षणिक, वैज्ञानिक आणि सांस्कृतिक संघटना म्हणजेच UNESCO ने गोस्वामी तुलसीदास यांनी लिहिलेल्या रामचरितमानस आणि पंचतंत्र या कथांना मान्यता दिली आहे. युनेस्कोने आपल्या ‘मेमरी ऑफ द वर्ल्ड रीजनल रजिस्टर’मध्ये रामचरितमानसची सचित्र हस्तलिखिते आणि पंचतंत्र दंतकथांची 15व्या शतकातील हस्तलिखिते समाविष्ट केली आहेत. UNESCO ने 2024 च्या आवृत्तीत आशिया पॅसिफिकच्या 20 हेरिटेजमध्ये त्याचा समावेश केला आहे.
UNESCO च्या मेमरी ऑफ द वर्ल्ड आशिया पॅसिफिक कमिटी या जागतिक वारसामधील इतर श्रेणींसह वंशावली, साहित्य आणि विज्ञान या क्षेत्रातील आशिया-पॅसिफिकच्या उपलब्धींना मान्यता देते. उल्लेखनीय बाब अशी आहे की, त्यात रामचरित मानस, पंचतंत्र आणि सहृदयलोक-लोकन यांचा समावेश करण्याचा निर्णय घेतला आहे. मंगोलियाची राजधानी उलानबाटर येथे 7 आणि 8 मे रोजी झालेल्या मेमरी ऑफ द वर्ल्ड कमिटी फॉर एशिया अँड पॅसिफिकच्या 10 व्या बैठकीत या निर्णय घेण्यात आला होता.
(हेही वाचा America Chabahar Port : भारताने इराणशी व्यापार वाढवल्यास त्याला निर्बंधांचा धोका; अमेरिकेचा थयथयाट)
UNESCO मध्ये रामचरित मानस, पंचतंत्र तसेच सहृदयलोक-लोकन या हस्तलिखितांचा समावेश आहे. जो प्रत्येक भारतीयासाठी अभिमानाचा क्षण आहे. कारण युनेस्कोनेही आता भारताचा समृद्ध साहित्यिक वारसा आणि सांस्कृतिक वारसा मान्य केला आहे. अयोध्येत भगवान रामाचे भव्य मंदिर बांधले जात असताना युनेस्कोने हा निर्णय घेतला आहे. जिथे आता दररोज लाखो राम भक्त रामललाच्या दर्शनासाठी पोहोचत आहेत.
Join Our WhatsApp Community