IPL 2024, CSK vs RCB : बंगळुरूच्या ड्रेसिंग रुममध्ये अनपेक्षित पाहुणा…

• ऋजुता लुकतुके

आयपीएलमधील (IPL 2024) एक बहुचर्चित लढत शनिवारी चेन्नई सुपर किंग्ज आणि रॉयल चॅलेंजर्स बंगळुरू (CSK vs RCB) दरम्यान होणार आहे. बंगळुरूच्या चिन्नास्वामी स्टेडिअमवर होणारा हा सामना बाद फेरीच्या दृष्टीनेही महत्त्वाचा आहे. आणि असा या दडपण असलेल्या सामन्यापूर्वी चेन्नईचा माजी कर्णधार महेंद्र सिंग धोनीने (MS Dhoni) चक्क प्रतिस्पर्धी संघाच्या ड्रेसिंग रुमला अनपेक्षितपणे भेट दिली. दोन्ही संघांचा सराव तेव्हा सुरू होता. पण, धोनीला (MS Dhoni) पाहून अर्थातच, बंगळुरूचे खेळाडू आनंदले. आणि त्यांनी थाला धोनीला गरम वाफाळता चहा देऊ केला.

रॉयल चॅलेंजर्स बंगळुरूने लगेचच आपल्या ट्विटर हँडलवर हा व्हीडिओही शेअर केला. ‘बंगळुरूत तुझं स्वागत आहे, माही!’ असा मथळाही या व्हीडिओला देण्यात आला होता.

(हेही वाचा – T20 World Cup 2024 : टी२० विश्वचषकाचा ब्रँड अँबेसिडर युसेन बोल्ट क्रिकेटवर काय म्हणाला?)

 

View this post on Instagram

 

A post shared by Royal Challengers Bengaluru (@royalchallengers.bengaluru)

बंगळुरूमध्येही यावेळी ढगाळ वातावरण आहे. आणि शनिवारी थोड्यापार पावसाची शक्यता नाकारता येत नाही. अशा कुंद वातावरणात सगळ्यांनीच चहाचा आस्वाद घेतला. धोनी यावेळी चेन्नई संघाच्या सराव करतानाच्या जर्सीतच होता. म्हणजे सरावा दरम्यान तो सहज ड्रेसिंग रुममध्ये आला असावा.

४२ वर्षीय धोनी आयपीएलमधून निवृत्त होण्याची घोषणा करेल असा अंदाज बांधला जात आहे. आणि तसं झालं तर कदाचित हा धोनीचा (MS Dhoni) शेवटचा आयपीएल (IPL 2024) सामनाही ठरू शकेल. त्यामुळे या सामन्याबद्दल सगळ्यांना उत्सुकता आहे.

हेही पहा –