इन्कम टॅक्स रिटर्न घोटाळ्याप्रकरणी पुरुषोत्तम चव्हाणला ED कडून अटक

अंमलबजावणी संचालनालयाच्या (ED) ने २६३ कोटी रुपयांच्या इन्कम टॅक्स रिटर्न घोटाळा प्रकरणात पुरुषोत्तम चव्हाण याला सोमवारी अटक केली आहे. चव्हाण याला न्यायालयात हजर करण्यात आले असता न्यायालयाने २७ मे पर्यंत ईडी कोठडी सुनावली आहे. अटक करण्यात आलेल्या पुरुषोत्तम चव्हाण कडे गुन्ह्यातील काही रक्कम होती अशी माहिती ईडीच्या अधिकाऱ्यांनी बुधवारी दिली आहे. (ED)

ईडीने (ED) गेल्या वर्षी आयकर रिटर्न घोटाळा प्रकरणी माजी प्राप्तिकर (आयटी) अधिकारी तानाजी मंडल अधिकाऱ्यांना अटक केली होती. ईडीच्या म्हणण्यानुसार, अधिकाऱ्यांनी आयकर विभागाच्या मुंबई कार्यालयात तैनात असताना २६३.९५ कोटी रुपयांचा बनावट टीडीएस परतावा तयार केला. ईडीच्या अधिकाऱ्यांनी सांगितले की, मनी लाँड्रिंग प्रतिबंधक कायदा (पीएमएलए), २००२ च्या तरतुदींनुसार पुरुषोत्तम चव्हाणला सोमवारी अटक करण्यात आली. त्याला विशेष पीएमएलए न्यायालयात हजर करण्यात आले, न्यायालयाने २७ मे पर्यंत ईडीच्या कोठडीत पाठवले. (ED)

(हेही वाचा – Powai Lake : पक्ष्यांची घरटी आणि त्यांच्या विणीचा हंगाम, पवई तलावातील जलपर्णी काढण्याचे काम थांबवले)

या प्रकरणात यापूर्वी ४ जणांना अटक करण्यात आली होती, त्यात तानाजी अधिकारी, भूषण पाटील आणि राजेश शेट्टी जे न्यायालयीन कोठडीत आहेत आणि राजेश ब्रिजलाल बत्रेजा हे ईडीच्या कोठडीत आहेत. पाटील, शेट्टी आणि बत्रेजा हे तानाजी अधिकाऱ्यांचे सहकारी आहेत. पुरुषोत्तम चव्हाण यांची या घोटाळ्यात असलेल्या भूमिकेबाबत सांगताना ईडीच्या अधिकाऱ्यांनी सांगितले की, अटकेत असलेला बत्रेजा आणि चव्हाण नियमितपणे एकमेकांच्या संपर्कात होते आणि हवाला व्यवहार आणि गुन्ह्यातील रक्कम वळवण्याशी संबंधित एकमेकांना माहिती देत होते, असे ईडीने सांगितले. (ED)

ईडीने रविवारी चव्हाण यांच्या निवासस्थानावरही छापा टाकला, या छाप्यात अनेक मालमत्ते संबंधित कागदपत्रे, विदेशी चलन आणि मोबाईल फोन जप्त करण्यात आले होते. ईडीने दावा केला आहे की, चव्हाण यांनी पुरावे नष्ट करून तपासात अडथळे आणण्याचा प्रयत्न केला ज्यामुळे गुन्ह्यातील उत्पन्नाचा शोध लावला जाऊ शकतो. मनी लाँड्रिंग विरोधी संस्थेने यापूर्वीच महाराष्ट्र आणि कर्नाटकमध्ये आरोपींच्या १६८ कोटी रुपयांच्या स्थावर आणि जंगम मालमत्ता जप्त केल्या आहेत. भारतीय दंड संहिता आणि भ्रष्टाचार प्रतिबंधक कायदा, १९८८ च्या विविध कलमांतर्गत केंद्रीय अन्वेषण विभागाने नोंदवलेल्या एफआयआरच्या आधारे ईडीने ही कारवाई केली आहे. (ED)

हेही पहा –