उत्तराखंडमधील (Uttarakhand) उत्तरकाशी (Uttarkashi) येथील सहस्त्र ताल (Sahastra Tal) येथे ट्रेकिंगसाठी गेलेल्या 22 जणांच्या ट्रेकिंग टीमचा खराब हवामानामुळे रस्ता चुकला आणि वाटेतच अडकले. तर, चार जणांचा मृत्यू झाल्याची शक्यता आहे. उत्तरकाशीचे जिल्हा दंडाधिकारी मेहरबान सिंग बिश्त (Mehrban Singh Bisht) यांनी सांगितले की, ट्रेकिंग टीममध्ये कर्नाटकातील 18 सदस्य, महाराष्ट्रातील एक आणि तीन स्थानिक मार्गदर्शकांचा समावेश होता, जे 29 मे रोजी सहस्त्र ताल येथे ट्रेकिंग मोहिमेवर जात होते आणि 7 जून रोजी परतणार होते. (Uttarakhand)
(हेही वाचा –Lok Sabha Election 2024 : लोकसभेच्या परीक्षेत कोणते मंत्री झाले पास, कोणते नापास ? जाणून घ्या)
खराब हवामानामुळे या टीमचा मार्ग चुकला आणि ट्रॅकिंग एजन्सी, हिमालयन व्ह्यू ट्रॅकिंग एजन्सी यांनी अधिकाऱ्यांना चार लोकांची माहिती दिली, ज्यांचा मृत्यू झाल्याची शक्यता वर्तवली जात होती. बिश्त यांनी राज्य आपत्ती प्रतिसाद दलाला (SDRF) बचाव पथके घटनास्थळी पाठवून ट्रेकर्सना (Uttarakhand) वाचवण्याची विनंती केली. स्थानिक बचाव पथके घटनास्थळी पाठवण्याचे आदेशही त्यांनी दिले. ते म्हणाले की, ‘सहस्त्र ताल सुमारे 4,100-4,400 मीटर उंचीवर आहे आणि घटनास्थळ उत्तरकाशी आणि टिहरी जिल्ह्यांच्या सीमावर्ती भागात आहे. ट्रॅकिंग टीमच्या जलद बचावासाठी, आम्ही उत्तरकाशी आणि घणसाली, टिहरीच्या दिशेने बचाव पथके तैनात केली आहेत.’ सहस्त्र ताल हा एका शिखरावरील सात तलावांचा समूह असून पांडव या ठिकाणाहून स्वर्गाकडे निघाले होते असे मानले जाते. (Uttarakhand)
(हेही वाचा –Lok Sabha Election 2024: पक्ष बदलून निवडणूक लढवणारे 66% उमेदवार पराभूत, विजय नोंदवण्यात कोण यशस्वी ? वाचा सविस्तर)
जिल्हा दंडाधिकाऱ्यांनी हवाई बचावासाठी केंद्रीय संरक्षण विभागाचे संयुक्त सचिव आणि जमिनीवरील बचाव मदतीसाठी एसडीआरएफ यांना पत्र लिहिले. त्यांनी असेही सांगितले की, ट्रॅकिंग एजन्सीने बचाव पथकाला मदत करण्यासाठी सिल्ला गावातील लोकांना घटनास्थळी पाठवण्यास सांगितले आहे. टिहरी जिल्ह्यातील पोलीस आणि वनविभागाचे पथक घटनास्थळी पाठवण्याची विनंतीही करण्यात आली. सहस्त्र तालुक्यात अडकलेल्या ट्रॅकर्सच्या सुटकेसाठी टिहरी जिल्हा प्रशासनाने पथके पाठवली आहेत. (Uttarakhand)
हेही पहा –
Join Our WhatsApp Community