सकस आणि पौष्टिक आहार घ्या पावसाळ्यात, रस्त्यावरील खाद्यपदार्थ पूर्णपणे वर्ज्य करणे चांगले. प्रथिने आणि जीवनसत्त्वे समृद्ध घरगुती जेवण खाणे चांगले. कापलेल्या फळांमध्ये असलेल्या बॅक्टेरियाचा संपर्क टाळण्यासाठी, फक्त ताज्या कापलेल्या भाज्या आणि फळे खा.
मांसाहार करताना.. पावसाळ्यात जर मासे आणि मांस खात असाल तर ते स्वच्छ आणि चांगले शिजवलेले असावे. जेणेकरून कमी शिजवलेल्या अन्नामुळे बॅक्टेरियाचा संसर्ग होऊ नये. शिळं अन्न खाणे टाळावे. सर्व पोषक तत्वं पुरेशा प्रमाणात मिळण्यासाठी नेहमी ताजं तयार केलेले अन्न खा.
द्रव सेवन वाढवा पावसाळ्यातील आर्द्रतेमुळे डिहायड्रेशन होऊ शकते. दिवसभर भरपूर द्रवपदार्थांचे सेवन केले पाहिजे. तुम्ही नारळ पाणी, लिंबू पाणी, ताज्या फळांचा रस, भाज्यांचा रस, सूप, सरबत इत्यादी पर्याय निवडू शकता. साधे पाणी फक्त उकळून प्यावे.
हलके स्वच्छ कपडे डॉक्टरांच्या माहितीनुसार, पावसाळ्यात हलके सुती कपडे वापरण्याचा सल्ला दिला जातो, म्हणून हवेशीर आणि आरामदायक पोशाख निवडा.
स्वच्छता राखणे तुमचे सर्व कपडे स्वच्छ करण्यासाठी चांगल्या दर्जाचे जंतुनाशक वापरा. शक्य असल्यास, त्वचेवरील बॅक्टेरिया नष्ट करण्यासाठी दिवसातून दोनदा कडुलिंबाच्या पाण्याने आंघोळ करा. पाय नियमितपणे स्वच्छ करा, विशेषत: नखं, तळवे इत्यादी, कारण ते पावसाच्या घाणेरड्या पाण्यापासून जिवाणू आणि बुरशीजन्य संसर्गाचा धोका वाढवू शकतात.
घर स्वच्छ ठेवा साचलेले पाणी हे डास, माश्या इत्यादींची पैदास करणारे ठिकाण आहे. तुमचे घर दररोज जंतुनाशकाने स्वच्छ करा आणि घाणेरडे पाणी साचू नये, म्हणून फुलांची भांडी, कोपरे, वॉशरूम स्वच्छ करा.