गुजरातमधील सुरत शहरातील रेल्वे स्थानक (Surat Railway Station) हे फक्त वाहतूक केंद्रच नाही, तर खाद्यप्रेमींसाठी या परिसरात खवय्यांसाठी विविध पदार्थांची मेजवानी उपलब्ध असल्याचे पाहायला मिळते. रेल्वे स्थानकाच्या सभोवातलच्या परिसरात स्वादिष्ट पदार्थांची सेवा देणाऱ्या भोजनालयांनी भरलेला आहे. पारंपरिक गुजराती अल्पोपरहारांपासून ते स्वादिष्ट रस्त्यावरील खाद्यपदार्थ आणि जागतिक खाद्यपदार्थांपर्यंत …प्रत्येक पदार्थाची चव खवय्यांना आकर्षित करते.
लोचो
लोचो हा सुरतमधील एक उत्तम नाश्ता आहे. तुम्ही सुरतला भेट दिल्यास या नाश्त्याची चव चाखायला विसरू नका. आंबवलेल्या बेसनच्या पिठापासून तयार केलेले, वाफवलेले आणि लोणी आणि तिखट चटणीबरोबर गरम गरम सर्व्ह केलेले ‘लोचो’ हा एक स्वादिष्ट अन्नपदार्थ आहे. खाद्यप्रेमींना हा खूप आवडतो. हा पदार्थ खावासा वाटला, तर सुरत रेल्वे स्थानकाजवळील रस्त्यावरील विविध खाद्यपदार्थांच्या दुकानांपैकी कोणत्याही दुकानाला भेट द्या.
खमण
सुरत रेल्वे स्थानक परिसरातील स्टॉलवर मिळणारा ‘खमण’ हा गुजराती संस्कृतीतील पदार्थ आहे. बेसनपासून बनवलेल्या मऊ चौकोनी तुकड्यांवर मोहरीचे दाणे, कढीपत्ता आणि हिरव्या मिरच्या यांची फोडणी दिली जाते. आंबट चिंचेची चटणी आणि वरून ताजी कोथिंबीर घालून सर्व्ह करतात. खमण हा सुरतच्या गजबजलेल्या रस्त्यांवर फिरण्यासाठी एक परिपूर्ण नाश्ता आहे.
(हेही वाचा – Motorola Edge 50 Ultra : लाकडी फिनिशिंगचं आवरण असलेला मोटोरोलाचा आधुनिक फोन)
स्ट्रीट फूड
सुरत शहर हे तेथील रेल्वे स्थानक परिसरातील विविध खाद्यसंस्कृतीसाठी प्रसिद्ध आहे. कुरकुरीत कचोरी आणि मसालेदार चाट येथे गेल्यावर पाहिले की, तोंडाला पाणी सुटते. पाव-भाजी, चविष्ट डोश्यांचे विविध प्रकार, रस्त्यावरील खाद्यपदार्थांची दुकाने, असंख्य स्वादिष्ट पदार्थांच्या गाड्या येथे लागलेल्या आहेत. गोड, मसालेदार, आंबट, तिखट चटण्यांसह सर्व्ह केलेले पदार्थ विशेष चवदार असतात.
सुरती उंडीयू
सुरत रेल्वे स्थानकाजवळ अस्सल सुरती पाककृतींचे नमुने खवय्यांना खायला मिळतात. येथील स्टॉलव मिळणारा सुरती उंधियू जरूर खाऊन बघा. हा पारंपारिक गुजराती पदार्थ आहे. जांभळ्या रंगाचे रताळे, गोड छोटे बटाटे, हिरव्या रंगाच्या भाज्या, बिन्स…घालून तयार केलेला हिवाळ्यातील हा कास स्वादिष्ट पदार्थ आहे. मसाले, आणि ताज्या वनस्पतींचा वापर या भाजीत केला जातो. गरम पुरी किंवा गव्हाच्या फुलक्यांसोबत ही सुरती उंदियू सर्व्ह केली जाते. हा पदार्थ खाणे म्हणजे आहारात पौष्टिक पदार्थांचा समावेश करणे.
बर्फाचा गोळा
बर्फाचा गोळा खा आणि ताजेतवाने व्हा ! सुरतमध्ये बर्फाचा गोळा लोकप्रिय आहे. येथील रस्त्यांवर वैशिष्ट्यपूर्ण पद्धतीने बर्फाचा गोळा तयार केला जातो. बर्फ किसून त्याला शंकूच्या आकाराने तयार केले जाते. त्यावर गुलाबी, काळा आणि नारिंगी असे विविध प्रकारचे गोड रंग दिले जातात. उन्हाळ्याच्या दिवसांत बर्फाचा गोळा खाणं म्हणजे उकाड्यावर मात करण्यासाठी थंडगार पर्याय !थंडगार खाद्यपदार्थांचा आस्वाद घेण्यासाठी सुरत रेल्वे स्थानकाजवळील अनेक फेरीवाल्यांपैकी कोणाकडेही जा आणि बर्फाचा गोळा विकत घेऊन खा तुम्हाला नक्कीच ताजेतवाने वाटेल.
सुरत रेल्वे स्थानक हे केवळ वाहतुकीचे ठिकाण नाही, तर खाद्यप्रेमींसाठी हे एक नंदनवन आहे. येथील पारंपारिक गुजराती खाद्यपदार्थ, रस्त्यावरील स्वादिष्ट खाद्यपदार्थ किंवा आंतरराष्ट्रीय खाद्यपदार्थही या रेल्वे स्थानक परिसरात खवय्यांना खायला मिळतात. त्यामुळे चला, खाण्यासाठी सज्ज व्हा !!!
हेही पहा –
Join Our WhatsApp Community