आपला माही म्हणजे MS Dhoni बद्दल जाणून घ्या ही रोमांचक तथ्ये!

महेंद्रसिंग धोनी (MS Dhoni) हा एक भारतीय व्यावसायिक क्रिकेटपटू आहे. तो उजव्या हाताने बॅटिंग आणि किपिंग करतो. महेंद्रसिंग धोनी याने २००७ ते २०१७ सालापर्यंत अनेक सामन्यांत भारतीय क्रिकेट टीमचं कर्णधारपद भूषवलं. तर २००८ ते २०१४ सालापर्यंत त्याने कसोटी सामन्यांतही भारतीय क्रिकेट टीमचा कर्णधार म्हणून उत्कृष्ट कामगिरी बजावली आहे. महेंद्रसिंग धोनी हा सर्वात जास्त आंतरराष्ट्रीय सामने खेळणारा सर्वोत्कृष्ट फलंदाज, किपर आणि आतापर्यंतचा सर्वांत यशस्वी कर्णधार म्हणून ओळखला जातो.

(हेही वाचा- Crime News : अमरावती मध्यवर्ती कारागृहात बॉम्ब स्फोट की आणखी काही? तुरुंगात एकच खळबळ)

महेंद्रसिंग धोनीने (MS Dhoni) २०११ सालचा क्रिकेट वर्ल्डकप, २००७ साली ICC वर्ल्ड ट्वेंटी२० आणि २०१३ सालच्या ICC चॅम्पियन्स ट्रॉफीमध्ये भारताला विजय मिळवून दिला आहे. त्याने २०१० आणि २०१६ साली एशिया चषक जिंकणाऱ्या भारतीय क्रिकेट टीमचंही नेतृत्व केलं होतं तसंच २०१८ साली विजेतेपद पटकावणाऱ्या टीमचा तो सदस्य होता.

महेंद्रसिंग धोनीचा (MS Dhoni) जन्म ७ जुलै १९८१ साली बिहारमधल्या रांची येथे झाला. सध्या रांची झारखंडच्या हद्दीत येते. १९९९ सालापासून महेंद्रसिंग धोनीने आपल्या क्रिकेटच्या कारकिर्दीची सुरुवात केली. २३ डिसेंबर २००४ साली त्याने भारतीय क्रिकेट संघाकडून बांग्लादेश विरुद्ध आपला पहिला ODI सामना खेळला. त्यानंतर एका वर्षाच्या अंतराने त्याने श्रीलंकेच्या टीमविरुद्ध आपला पहिला कसोटी सामना खेळला.

(हेही वाचा- मलिकांना सोबत घेवू नका; VHP चे Ajit Pawar यांना आवाहन)

२००७ साली धोनीला ODI भारतीय संघाचं कर्णधारपद दिलं गेलं. २०१४ साली महेंद्रसिंग धोनीने (MS Dhoni) कसोटी सामन्यांतून निवृत्ती घेतली. पण २०१९ सालापर्यंत तो इतर सामन्यांमध्ये खेळत होता. धोनीने आतापर्यंत आंतरराष्ट्रीय क्रिकेटच्या सामन्यांमध्ये १७,२६६ धावा केल्या आहेत.

IPL मध्ये धोनी CSK टीमकडून खेळतो. महेंद्रसिंग धोनी (MS Dhoni) IPL मध्ये पाच हजारांहून अधिक धावा करणाऱ्या मोजक्या फलंदाजांपैकी एक आणि पहिला किपर आहे.

(हेही वाचा- Building Collapses In Surat: सूरतमध्ये सहा मजली इमारत कोसळून ७ जणांचा मृत्यू, बचावकार्य सुरु!)

२००८ साली महेंद्रसिंग धोनीला (MS Dhoni) भारत सरकारकडून भारताचा सर्वोच्च क्रीडा सन्मान मेजर ध्यानचंद खेलरत्न पुरस्कार प्रदान करण्यात आला होता. त्यानंतर २००९ साली त्याला भारताचा चौथा सर्वोच्च नागरी पुरस्कार म्हणजेच पद्मश्री पुरस्कार देऊन सन्मानित करण्यात आलं. पुढे २०१८ साली भारताचा तिसरा सर्वोच्च नागरी पुरस्कार पद्मभूषण पुरस्कार प्रदान करण्यात आला. महेंद्रसिंग धोनीला भारतीय प्रादेशिक सैन्याच्या पॅराशूट रेजिमेंटमध्ये लेफ्टनंट कर्नलची मानद रँक लष्कराने प्रदान केली होती. महेंद्रसिंग धोनी (MS Dhoni) हा जगातल्या सर्वात जास्त लोकप्रिय क्रिकेटपटूंपैकी एक आहे.

हेही पहा-